Kezdesýge qatysýshylar ózara is-qımyl jáne dıalog, aqparat almasý formatyn, onyń ishinde «Eýropalyq Odaq – Qazaqstan» jáne «Eýropalyq Odaq-Ortalyq Azııa» dıalogtyq tetikteri sheńberinde adamı quqyqtyq ólshemde talqylady.
Kelissóz barysynda qos tarap adam quqyqtary salasyndaǵy Qazaqstan men Eýropalyq Komıssııa úshin ózara qyzyǵýshylyq týdyratyn máselelerdiń keń aýqymyn talqylady.
Elvıra Ázimova Eımen Gılmor men onyń áriptesterine azamattyq quqyqtar men bostandyqtardy qorǵaý boıynsha júrgizip jatqan jumysy týraly, onyń ishinde Qazaqstan Prezıdenti, Parlamenti men Úkimeti iske asyra bastaǵan jáne kelesi jyly aıaqtaýdy kózdep otyrǵan sharalar paketin tıimdi sheshýdi talap etetin quqyq qorǵaý taqyrybyndaǵy máseleler týraly habardar etti.
Ýákil Úkimet qabyldanǵan birinshi kezektegi sharalar josparymen shektelmeýi tıis ekenin atap ótti. Qazaqstanda adam quqyqtary men olardy saqtaý memlekettik saıasattyń negizgi baǵytymen aıqyndalǵan, osyǵan baılanysty osy baǵyttaǵy jumys ózekti bolyp, keńinen jarııalanýǵa tıis.
Onlaın kezdesý barysynda Elvıra Ázimova medısınany túrme júıesinen azamattyq Densaýlyq saqtaý júıesine berýge qatysty mańyzdy sheshim týraly habarlady.
Sondaı-aq, ol qazirgi ýaqytta adam quqyqtary salasyndaǵy úkimettik emes jáne halyqaralyq uıymdarmen birlesip ilgeriletiletin negizgi máseleler týraly aıtyp berdi.
Taraptar E.Ázimovanyń shilde aıynyń ortasynda Brıýsselge jasaǵan alǵashqy jumys saparynyń qorytyndylary boıynsha, onyń ishinde Eýropalyq Parlamenttiń basshylyǵymen jáne beıindi qurylymdarynyń múshelerimen qol jetkizilgen ekijaqty ýaǵdalastyqtar boıynsha pikir almasty.
