Álem • 26 Shilde, 2021

Karantındegi «bebı bým»

51 ret kórsetildi

О́tken jyldyń sońynda Qytaı jáne Japonııadan tarap jatqan aqparat kózderi karantınde dúnıege kelgen bópeler jaıly aqparatty jıi jarııalaǵan bolatyn. Tek eki el emes, mundaı qubylys EO, Batys elderinde de baıqalǵan. Birqatar eýropalyq demograftar karantın men pandemııa kezinde ózin-ózi oqshaýlaýǵa baılanysty náresteniń jańa tolqynyn ótken jyly boljap qoıǵan, dep habarlaıdy Egemen.kz Reıtıng.kz saıtyna silteme jasap.

Energyprom veb-saıty karantındik shekteýler  azamattardyń balaly bolýǵa degen umtylysynyń edáýir artýyna ákeldi dep habarlaǵan. Brıtandyq dáriger Adrıan Loýer karantın halyqqa densaýlyq, onyń ishinde reprodýktıvti densaýlyq týraly oılaýǵa ýaqyt pen negiz berdi dep sanaıdy. Osylaısha, pandemııa dáýirindegi náreste býmy ádeıi jasalady. Basqasha aıtqanda bul balalardyń bári aldyn ala josparlanǵan áreketterdiń nátıjesi.   Shveısarııanyń genetıkalyq synaq jáne konservasııalaý murasy Legacy keıbir karantındik kúnderde tapsyrys 10 eseden astamǵa ósti deıdi.

Danııada ornalasqan ExSeed, bala týýdy úıde tekseretin kompanııa karantın kezinde qymbat (150 fýnt) synaqtarǵa tapsyrys úsh esege artqanyn habarlady. Sondaı-aq, qunarlylyqty emdeýdiń sandyq platformasy - fransýzdyq Apricity qyzmetine  suranys artty.

Bizdiń eldegi karantınniń demografııalyq kórsetkishke áseri jaıly tolyqqandy aqparattar endi jarııalana bastady: Jyl basynan beri Qazaqstanda 100,5 myń bala dúnıege keldi - bul barlyq sońǵy jyldardaǵy eń joǵary kórsetkish, taratyp aıtqanda jańa týǵan sábılerdiń tabıǵı ósimi 8,4  paıyz joǵary.

 

Salystyrý úshin:

2020 jyldyń birinshi toqsanynda Qazaqstan Respýblıkasynda 92,7 myń náreste dúnıege keldi - bul 2019 jylmen salystyrǵanda 0,8% ǵana kóp.

Jalpy alǵanda, elde náreste «býmy» 2020 jyldyń úshinshi toqsanynan bastap jalǵasýda, bul kezde birden 116,7 myń náreste dúnıege keldi, bul ótken jylmen salystyrǵanda 8,4% artyq. Osyǵan uqsas jaǵdaı  2020 jyldyń tórtinshi toqsanynda baıqalypty. О́tken jyldyń qortyndysy boıynsha 111,7 myń «karantındik bala» dúnıege keldi – bul 2019 jylmen salystyrǵanda  9,5% kóp.

 Salystyrý úshin: 2019 jyly týylǵandar sanynyń ósýi 2018 jylǵa qaraı tek 1,3% -dy qurady. Aǵymdaǵy jyldyń birinshi toqsanynyń qorytyndylary boıynsha Qazaqstan Respýblıkasyndaǵy halyq sany 18,94 mln adamǵa jetti.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar