Buǵan deıin Bilim jáne ǵylym mınıstrligi vedomstvo basshysy Ashat Aımaǵambetov stýdentter men oqytýshylardyń densaýlyǵyn qorǵaý úshin vaksınasııalaýǵa yntalandyrý jónindegi tapsyrmasy týraly habarlaǵan bolatyn.
«Osyǵan oraı, eldegi 20 joǵary oqý orny jedel sharalar qabyldap, búgingi tańda tizim taǵy 10 ýnıversıtetpen tolyqtyryldy. Osylaısha, joǵary oqý oryndarynyń rektorlary álemde júrgizilip jatqan jappaı vaksınasııa qarqynyn kúsheıtý jónindegi jumysty qoldaıtynyn bildirýde», delingen habarlamada.
Stýdentter men oqytýshylardy vaksınasııalaýǵa yntalandyrý úshin qoldanylǵan naqty sharalar men joǵary oqý oryndarynyń tizimi:
Satbayev University
Vaksınasııalanǵan stýdentter úshin:
- jeke startap ashýǵa 5 mln teńge grant;
- joo jataqhanalarynda turý úshin 20 oryn;
- eldegi nemese sheteldegi jetekshi kompanııalarda óndiristik tájirıbeden ótýge jumsalǵan shyǵyndardy tolyq óteý;
- Qoldau bızneske arnalǵan sıfrlyq platformamen birlesip kásipkerlik daǵdylardy damytý kýrstaryna 100 sertıfıkat;
- sessııany ýaqytynda tapsyrmaǵan stýdentterge kýrstardan ekinshi márte tegin ótý jáne 3 kredıtti qaıta tegin tapsyrý múmkindigi;
- oflaın-qyzyqty shyǵarmashylyq, ǵylymı, sporttyq is-sharalarǵa (meıkatondar, hakatondar, týrnırler, konsertter jáne t. b.) qatysý múmkindigi.
Vaksınasııalanǵan qyzmetkerler men pedagogıkalyq oqytýshylar quramy úshin:
- ortasha jalaqysyn saqtaı otyryp, jumystan 2 kúnge bosatý;
-10 qyzmetkerge osy jyldyń sońyna deıin joo jataqhanalarynda turýyna 50% jeńildik.
Qaraǵandy tehnıkalyq ýnıversıteti
- 2022 jyldyń jazyna stýdentter arasynda «Polıtehnık» sporttyq-saýyqtyrý lagerine tegin joldamalar utys oıyny;
- 2022 jyldyń jazyna «Polıtehnık» sporttyq-saýyqtyrý lagerine oqytýshylar men qyzmetkerler arasynda tegin joldamalar utys oıyny;
- kúzgi semestrde stýdentterge aǵylshyn tili kýrstaryna tegin qatysý;
- basqarma tóraǵasy joo rektorynyń stıpendııalaryn taǵaıyndaý kezindegi basymdyq.
Tolyq tizim QR Bilim jáne ǵylym mınıstrliginiń resmı saıtynda jarııalanǵan.
