Aqmola oblysy
Astanalyq oblystyń 95 saılaý okrýginde aýyldar, kentter, aýyldyq okrýgter ákimderin saılaý ótti. Saılaýshylar tizimine engizilgen azamattardyń 75,7 paıyzy daýys berýge qatysty. Barlyq saılaý okrýginde ákimder saılandy.
Nur Otan partııasy usynǵan 76 úmitkerdiń 74-i, «Aýyl» halyqtyq-demokratııalyq patrıottyq partııasynyń 1 kandıdaty, «Aq jol» demokratııalyq partııasy usynǵan 5 úmitkerdiń 2-ýi, «Adal» saıası partııasy usynǵan 1 kandıdat, Qazaqstan halyq partııasy usynǵan 6 úmitkerdiń 3-ýi jeńiske jetken. Sondaı-aq ózin ózi usynǵan 201 azamattyń 14-i ákim bolyp saılandy.
Saılanǵan 95 ákimniń 50-i – qaıtadan saılanyp, turǵyndar senimin aqtaǵan tulǵalar. 15 saılanǵan ákim – áıel.
Aqtóbe oblysy
Aqtóbe oblysy boıynsha saılaýshylardyń 79 paıyzy aýyl ákimderin saılaýǵa qatysyp, daýys berdi.
35 aýyldyq okrýg ákimdigine 105 kandıdattyń 63-i saıası partııalar atynan úmitker boldy. Nur Otan partııasynan – 28, «Aýyldan» – 16, «Aq joldan» – 9, ADAL partııasynan – 4, Qazaqstan halyq partııasynan – 4, Jalpyulttyq sosıal-demokratııalyq partııadan 2 úmitker usynyldy. Sondaı-aq 42 azamat ózin ózi usynǵan.
«Daýys berý qorytyndysy boıynsha Nur Otan partııasynan – 28, «Aýyl» partııasynan – 2, «Aq jol», ADAL, Qazaqstan halyq partııasynyń árqaısysynan bir-bir adam ákim boldy. Buǵan qosa, ózin ózi usynǵan 2 adam ákim atandy. Saılanǵan ákimniń beseýi – áıel. Saılanǵan ákimderdiń eń jasy 26-da.
Almaty oblysy
Jetisý óńiriniń turǵyndary 235 kandıdattyń ishinen 71 azamatty ákim etip saılady. Daýys berýge saılaýshylardyń 67,5 paıyzy qatysty.
Saılanǵan ákimderdiń 57-si – Nur Otan partııasy usynǵan azamattar, úsheýi – «Aýyl» partııasynyń ókilderi. Sondaı-aq ózin ózi usynǵan 11 azamat jeńiske jetken.
Saılanǵan 71 ákimniń 39-y – burynǵy ákimder. Ekeýi – áıel. Olar Sarqand aýdanynyń – Amanbókter, Aqsý aýdanynyń Oıtoǵan aýyldyq okrýgterin basqaratyn bolady.
Atyraý oblysy
Munaıly óńirdegi aýyldyq okrýgter ákimderiniń saılaýyna daýys berý quqyǵy bar turǵyndardyń 74,4 paıyzy qatysqan.
18 aýyldyq okrýg ákiminiń laýazymy úshin 52 úmitker saıası básekege tústi. Daýys berýdiń nátıjesinde Nur Otan partııasynan – 15, ADAL partııasynan 1 adam jeńiske jetti. Buǵan qosa, ózin ózi usynǵan 2 úmitker ákim bolyp saılandy.
Batys Qazaqstan oblysy
Batysqazaqstandyq saılaýshylardyń 81,3 paıyzy aýyl ákimderiniń tikeleı saılaýyna qatysyp, ózderi tańdaǵan kandıdattarǵa daýys berdi
Aqjaıyq óńirinde 31 aýyldyq okrýgtiń ákimdigine 81 úmitker talasty. Olardyń 39-y balamaly básekege saıası partııalardyń atynan tústi. Atap aıtqanda, Nur Otan-nan – 25, «Adal»-dan – 5, «Aýyl»-dan – 4 adam, Qazaqstan Halyq partııasynan – 3 adam, «Aq jol» men JSDP partııalarynan – 1 adamnan úmitker usynyldy. Qalǵan 42 úmitker – ózin ózi usynǵandar.
Saılanǵan ákimderdiń 22-si – Nur Otan usynǵan azamattar. Sondaı-aq «Aýyl» men Jalpyulttyq sosıal-demokratııalyq partııadan bir-bir ókil ákim bolyp saılandy. О́zin-ózi usynǵandardyń 7-ýi balamaly saılaýda jeńiske jetti.
Saılanǵan ákimderdiń 17-si – osy qyzmetti buryn da atqaryp, kópshiliktiń senimine ıe bolǵan tulǵalar.
Jambyl oblysy
Oblystyq saılaý komıssııasynyń habarlaýynsha, aýyl ákimderiniń tikeleı saılaýyna daýys berý quqyǵyna ıe turǵyndardyń 90,6 paıyzy qatysqan.
38 aýyldyq okrýg ákimdigine 111 kandıdat tirkelgen. Barlyq okrýgte ákimder saılandy. Olardyń 13-i – buryn da osy laýazymdy enshilep, el senimine ıe bolǵandar.
Nur Otan partııasy usynǵan úmitkerlerdiń 31-i jeńiske jetti. Sondaı-aq «Aýyl», «Aq jol», ADAL jáne Qazaqstan Halyq partııasynan bir-bir úmitker aýyl ákimi atandy. Buǵan qosa, balamaly saılaýda 3 ózin ózi usynǵan azamat top jardy. Jańadan saılanǵan ákimderdiń ishinde 3 áıel bar. Olar Jýaly aýdanynyń Qarasaz, Jambyl aýdanynyń Aqbastaý, Baızaq aýdanynyń Sarykemer aýyldyq okrýgterin basqarýǵa kirisedi.
Qaraǵandy oblysy
Oblystyq saılaý komıssııasy aýyl ákimderin saılaýǵa qatysqan qaraǵandylyq saılaýshylardyń 75,8 paıyzy daýys bergenin málimdedi.
75 saılaý okrýginde tirkelgen 257 kandıdattyń 79-yn saıası partııalar usynǵan. Olardyń 61-i aýyldyqtardyń qoldaýyna ıe bolǵan. Sonyń ishinde Nur Otan usynǵan 61úmitkerdiń 56-sy, «Aýyl» usynǵan 3 kandıdattyń barlyǵy, «Aq Jol» usynǵan 3 azamattyń 1-ýi, ADAL-dyń atynan tirkelgen 3 kandıdattyń bireýi jeńiske jetken. Qazaqstan Halyq partııasy usynǵan 9 kandıdattyń eshqaısysy saılaýshylardyń kópshiliginiń daýysyna ıe bola almaǵan. Sodaı-aq ózin ózi usynǵan 178 kandıdattyń 14-i aýyldyqtardyń qoldaýyna ıe bolyp, ákim atanyp otyr.
Saılanǵan ákimderdiń 17-si ózderi basqaryp kelgen aýyldyq okrýg basshysy bolyp qaıta saılansa, 7 adam basqa aýyldyq okrýgterdiń ákimderi bolǵan. Úsh ákim – áıelder.
Qostanaı oblysy
Astyqty óńirdegi aýyldyq okrýgter ákimderin tikeleı saılaýǵa saılaýshylardyń 84,4 paıyzy qatysyp, ózderiniń konstıtýsııalyq quqyqtaryn paıdalanǵan.
65 saılaý okrýgi boıynsha ákimdikke 148 kandıdat tirkelgen.Olardyń 59-yn saıası partııalar usynǵan. 5 saılaý okrýginde kandıdattar tek ózin ózi usyný arqyly saılaýǵa túsken. Nur Otan-nan – 52, «Adal»-dan – 2, «Aýyl»-dan – 2, «Aq jol»-dan 2 úmitker jeńiske jetti. О́zin-ózi usynǵan 88 azamattyń 7-iniń balamaly saılaýda shoqtyǵy bıik boldy.
Saılanǵan 65 ákimniń 46-sy ózderiniń saılaý okrýgterinde halyq senimine ıe boldy, 3-ýi – basqa aýyldyq okrýgtiń ákimi bolǵandar. Saılanǵan ákimderdiń 8-i – áıel.
Qyzylorda oblysy
Syr boıyndaǵy aýyldyq eldi mekenderdiń saılaý quqyǵyna ıe turǵyndarynyń 83,5 paıyzy óz tańdaýlaryn jasady.
40 aýyldyq okrýgte ákim qyzmetine 122 adam úmitker boldy. Daýys berý qorytyndysy boıynsha Nur Otan partııasynan – 30, «Aýyl»-dan – 2, ADAL-dan – 2, Qazaqstan halyq partııasynan – 1 kandıdat básekelesterinen basym túsip, ákim atandy. Sondaı-aq ózin ózi usyný jolymen 5 azamat aýyldyq okrýgtiń basshylyq tizginin qolyna aldy.
Mańǵystaý oblysy
О́ńirdiń aýyldyq jerlerindegi saılaýshylardyń 82,4 paıyzy aýyl ákimderin saılaýǵa qatysty.
10 saılaý okrýg boıynsha saılaý bıýlletenderge 25 úmitker engizildi. Sonyń ishinde bes saılaý okrýginde – 2 kandıdattan, bes saılaý okrýginde – 3 kandıdattan. Saılanǵan ákimderdiń ortasha jasy – 41,5. Eń kishisi – 26 jasta. Saılanǵan 10 ákimniń jeteýi – memlekettik qyzmetshi. Onyń ishinde 2 ákim qaıta saılandy.
Pavlodar oblysy
Aýyl ákimderin saılaýǵa 2 aýyl men 42 aýyldyq okrýg saılaýshylarynyń 76,9 paıyzy qatysty.
Saılanǵan 44 ákimniń 34-i Nur Otan partııasynan usynylǵandar. Sondaı-aq «Aýyl» partııasy usynǵan 2 kandıdat jeńiske jetti. «Aq jol» men ADAL-dan bir-birden úmitkerdiń baǵy jandy. О́zin ózi usynǵan 6 azamat báselesterinen basym tústi. 29 burynǵy ákim turǵyndardyń qoldaýyna ıe bolyp, qaıtadan saılandy. Saılanǵan ákimderdiń 7-ýi – áıel.
Soltústik Qazaqstan oblysy
Qyzyljar óńirindegi aýyldyq eldi mekenderde turatyn saılaýshylardyń 87 paıyzdan astamy saılaýǵa qatysqan.
Saılaý 71 saılaý okrýginde ótti.Nur Otan partııasynan usynylǵan – 55, Qazaqstan Halyq partııasynan – 3, «Aýyldan» – 3, «Aq jol»-dan – 2, ADAL-dan 1 kandıdat ákim atandy. О́zin ózi usynǵan 146 kandıtattyń 7-ýi jeńiske jetti. 42 ákim qaıta saılandy. 19 ákim – áıelder.
Túrkistan oblysy
Oblystyń aýyldyq eldi mekenderi saılaýshylarynyń 79 paıyzy saılaýǵa qatysty. Túrkistandyqtar 60 aýyldyq okrýg ákimin 166 kandıdattyń arasynan tańdady.
Saılanǵan 43 ákim – saıası partııalar usynǵan úmitkerler. Sonyń ishinde Nur Otan partııasynan – 41, «Aýyl» men ADAL-dan bir-bir kandıdat halyq senimine ıe boldy. Buǵan qosa, balamaly saılaýda ózin ózi usynǵan 17 azamattyń juldyzy jandy.
Shyǵys Qazaqstan oblysy
Shyǵys óńirde 77 saılaý okrýgi boıynsha aýyl, kent jáne aýyldyq okrýg ákimderiniń saılaýy ótti. Daýys berýge saılaýshylardyń 90,9 paıyzy qatysty.
Ákim laýazymyna úmitkerler sany 232 boldy. Saılanǵan 77 ákimniń 60-yn Nur Otan partııasy, 11-in «Aýyl» halyqtyq-demokratııalyq patrıottyq partııasy, 2-ýin ADAL partııasy usynǵan. Sondaı-aq «Aq jol» demokratııalyq partııasy men Qazaqstannyń Halyq partııasynan bir-bir adam jeńiske jetti. Budan basqa, ózin ózi usyný arqyly 2 adam saılandy.
Daıyndaǵan
Káribaı MUSYRMAN,
«Egemen Qazaqstan»
