Foto Global Look Press
Belgili bolǵandaı, 2 tamyzda Tımanovskaıa 100 jáne 200 metr qashyqtyqqa júgirýi kerek edi. Alaıda, Belarýs quramasynyń jattyqtyrýshylary ony ózine eskertpesten, 4h400 metrlik estafetaǵa shyǵarýǵa sheshim qabyldady. Al bul jarysqa qatysýy tıis sportshylar shettetilgen.
K.Tımanovskaıa jattyqtyrýshylardyń áreketin áleýmettik jelilerde qatal synǵa aldy. Keıin Belarýs Olımpıada komıteti Krıstınanyń «emosıonaldy-psıhologııalyq jaǵdaıyna baılanysty dárigerlerdiń qorytyndysy boıynsha» Olımpıadaǵa qatyspaıtynyn málimdedi.
Atlet 1 tamyzda Belarýs jattyqtyrýshylar shtabynyń ózin erkinen tys Japonııadan shyǵarýǵa tyrysqanyn aıtty. Sol kúni ol Halyqaralyq Olımpıada komıteti men jergilikti quqyq qorǵaý organdarynan kómek surady. Sodan keıin oǵan kúzet berildi.
Osy ýaqyt ishinde birneshe Eýropa elderi sportshyǵa kómek usyndy. 2 tamyzda Tımanovskaıanyń Polshadan gýmanıtarlyq vıza alǵany belgili boldy.
«Belarýs sportshysy Krıstına Tımanovskaıa Tokıodaǵy polıak dıplomattarymen tikeleı baılanysta. Ol gýmanıtarlyq vıza aldy. Polsha oǵan sporttyq mansabyn jalǵastyrýǵa kómektesý úshin qoldan kelgenniń bárin jasaıdy», dep jazdy Polsha Syrtqy ister mınıstriniń orynbasary Marchın Prjıdach Twitter-de.
Oppozısııalyq daǵdarysqa qarsy halyqtyq ákimshiliktiń ókilderi (Belorýssııa UOK burynǵy bas hatshysy Anatolıı Kotov) Tımanovskaıanyń Polshaǵa osy aptada keletinin aıtty.
