Bul qyzmetterge protez, júris arbasy, taıaq, baldaq, ortopedııalyq aıaqkıim, bandaj, korset, týtor, reklınator, basustaǵysh, sýpınator, emdeý beldikteri, balalarǵa arnalǵan profılaktıkalyq shalbar jáne basqa da quralmen qamtamasyz etý jatady.
Portal múgedektigi bar adamdarǵa óndirýshi men taýardy óz betinshe tańdaýǵa múmkindik beredi. Kómek túrine tapsyrys berý kórsetiletin qyzmetti alýshynyń elektrondy sıfrly qoltańbasymen rastaý arqyly júzege asyrylady. Tapsyrysty jetkizip berýge de bolady nemese tapsyrys berýshi ózi alyp kete alady.
Portalda protezdik-ortopedııalyq qyzmet kórsetýden basqa sýrdotehnıkalyq, tıflotehnıkalyq jáne gıgıenalyq quraldar, sondaı-aq kreslo-arbalar alýǵa ótinim rásimdeýge bolady.
Osy jyldyń basynan beri Áleýmettik qyzmetter portaly arqyly múgedektigi bar 113 myńnan asa adam ońaltýdyń tehnıkalyq quraldaryn, 6 myńnan asa adam ymdaý tili qyzmetin, 31 myńnan asa adam jeke kómekshiniń qyzmetin alyp, 36 myńǵa jýyq azamat sanatorlyq-kýrorttyq emdeldi jáne 122 myńnan asa adam kepildik berilgen áleýmettik toptamaǵa tapsyrystar rásimdedi.
Búginde portalda arnaıy áleýmettik qyzmetter kórsetetin 859 medısınalyq-áleýmettik mekeme, 127 OTQ jetkizýshisi, 13 myńnan asa jeke kómekshi qyzmetin, 250 ymdaý tilin, 66 sanatorlyq-kýrorttyq emdeýdi, 135 kepildendirilgen áleýmettik toptama boıynsha ónim berýshi tirkelgen.
О́tken jyldyń 29 jeltoqsanynan bastap Elektrondy úkimet arqyly (eGov.kz) múgedektigi bar adamdarǵa Eńbek jáne halyqty áleýmettik qorǵaý mınıstrliginiń memlekettik qyzmetterin kórsetýge elektrondy ótinim berý múmkindigi iske asyryldy. Osy kezeńde Elektrondy úkimet portaly arqyly ońaltý quraldarymen jáne qyzmetterimen qamtamasyz etýge 110,5 myńnan asa qujat rásimdeldi.
«Áleýmettik qyzmetter portaly» avtomattandyrylǵan aqparattyq júıesin engizý Múgedektigi bar adamdardyń quqyǵyn qamtamasyz etý jáne ómir súrý sapasyn jaqsartý jónindegi ulttyq jospar sheńberinde qarastyrylǵan. Portaldy paıdalaný boıynsha keńesti qoldaýdyń baılanys-ortalyǵynan alýǵa bolady, oǵan tildi tańdap jáne 4 sandy basyp,1414 biryńǵaı nómiri arqyly habarlasý kerek.
