Koronavırýs • 03 Tamyz, 2021

EO «Spýtnık V» vaksınasynyń COVID-sertıfıkattaryn moıyndady

271 ret

kórsetildi

1 mın

oqý úshin

Eýropalyq komıssııa San-Marıno men Vatıkannyń COVID-sertıfıkattarymen EO aýmaǵyna kirýge bolady dep tanydy. Bul týraly TASS jazdy, dep habarlaıdy Egemen.kz.

Botakóz BAQBERGEN

EO «Spýtnık V» vaksınasynyń COVID-sertıfıkattaryn moıyndady

«2 tamyzda Eýropalyq Komıssııa Vatıkan men San-Marınoda berilgen kovıd sertıfıkattarynyń Eýropalyq sandyq kovıd sertıfıkatyna teń ekendigin qamtamasyz etetin sheshimderdi bekitti», delingen atqarýshy organnyń habarlamasynda.

EK kórsetilgen sertıfıkattardyń ıeleri olardy EO sertıfıkattarynyń ıeleri sııaqty sharttarda paıdalana alatyndyǵyn naqtylady.

San-Marıno - Reseıdiń «Spýtnık V» koronavırýstyq vaksınasyn qoldanatyn Eýropanyń birneshe eliniń biri. Preparatty elge jetkizý aqpan aıynda bastaldy. San-Marıno turǵyndarynyń kópshiligi reseılik vaksınany saldyrady.

Qazirgi ýaqytta «Spýtnık V» 67 elde tirkelgen. Reseıdiń tikeleı ınvestısııalar qorynyń basshysy Kırıll Dmıtrıevtiń aıtýynsha, preparat kúzde Dúnıejúzilik densaýlyq saqtaý uıymynyń jáne Eýropalyq Odaqtyń retteýshisiniń maquldaýyn ala alady.