Aınabekov E. Aýyl sharýashylyǵy mınıstrliginiń Agroónerkásiptik keshendegi memlekettik ınspeksııa komıtetiniń tóraǵasy bola otyryp, laýazymdyq ókilettikterin asyra paıdalandy dep aıyptaldy. 2017 jyldyń aqpan-sáýirinde Jambyl jáne Ońtústik Qazaqstan oblystarynyń aýmaǵynda aýyl sharýashylyǵy daqyldarynyń ýly hımıkattarymen hımııalyq óńdeý qyzmetterin memlekettik satyp alý boıynsha konkýrstyń jeńimpazy óz mindettemelerin tıisinshe oryndamady, tehnıkany ýaqtyly tapsyrmady. Bul Marokko shegirtkesiniń qaptap ketýine sebep boldy.
Aınabekov bul týraly bile tura, JK múddesinde áreket etip «Fıtosanıtarııa» RMK basshysy - Tólebaevty RMK-ǵa 520 855 teńge mólsherinde shegirtkege qarsy kúres boıynsha qosymsha jumys júrgizý úshin arnaıy tehnıkany berýge májbúrledi. Sondaı-aq, Aınabekov JShS basshysyn qosymsha alańdardy óńdeý úshin JK-ge 18 100 000 teńge somasynda ýly hımıkatty tegin berýge zańsyz májbúrledi dep aıyptaldy», dedi sot ókili.
Budan bólek Aınabekov Astana MAES-tiń qyzmet múddelerine qaıshy áreket ete otyryp, 30 040 695 teńge somasynda bıýdjet qarajatyn zańsyz JK-ǵa bóldi dep aıyptaldy.
«Nur-Sultan sotynyń qylmystyq ister jónindegi sot alqasynyń 2021 jylǵy 3 tamyzdaǵy úkimimen Aınabekov óziniń áreketterinde qylmystyq quqyq buzýshylyq quramynyń bolmaýyna baılanysty taǵylǵan aıyp boıynsha aqtaldy.
Sot Aınabekovtyń áreketterinde artyq ókilettikter men olardy teris paıdalaný bolǵan joq, óıtkeni tehnıkanyń ýaqtyly kelýin jáne alqaptardy shegirtkeden óńdeýdi bastaýdy baqylaý AShM komıtetiniń aýmaqtyq ınspeksııasy basshylyǵynyń mindetine kirgenin anyqtady», dep tolyqtyrdy sotta.
Sot talqylaýy barysynda Marokko shegirtkesiniń Jambyl oblysy aýmaǵynda jappaı taraýynyń sebepteri: 2016-2017 jyldarǵa kelgen tabıǵı sıklderden týyndaǵan zııankesterdiń bıologııalyq belsendiligi, zardap shekken aýdandardy óńdeý múmkin bolmaıtyn qolaıly aýa raıy jaǵdaılary, sondaı-aq Aınabekovtyń quzyretine jatpaıtyn AShM dıagnostıka ortalyǵynyń 2016 jyly onyń taralýyn durys boljamaý (ol bul ortalyqty 2016 jyly basqardy, keıin komıtetke taǵaıyndaldy, biraq ol boljamǵa óńirlerdiń derekteri negizinde qol qoıdy).
Sondaı-aq sot málimetinshe, aıyptaýshy tarap Aınabekovtyń arnaıy tehnıka men ýly hımıkatty jetkizý kezinde RMK men JShS basshylyǵyna qysym kórsetý deregi dáleldegen joq.
«RMK tehnıkasyn dırektor erikti túrde, kásiporyn jarǵysyna sáıkes onyń ókilettigine kiretin, ózara tıimdi sharttarda JK-men jasalǵan yntymaqtastyq týraly shart negizinde usyndy. JShS «Gıýharad» preparaty Jambyl oblysyna da kómek retinde jetkizildi.
JK-men qosymsha kelisimder jasasý memlekettiń ekonomıkalyq jáne ekologııalyq múddelerine qaýip tóndiretin shegirtkelerdiń tez taralýyna baılanysty asa qajettilikten týyndady. Aınabekovtyń qosymsha kelisimder jasasýynyń zańdylyǵy jáne olardyń tólemi AShM komıtetiniń somalardy óndirip alý týraly talap-aryzyn qanaǵattandyrýdan bas tartylǵan zańdy kúshine engen sot sheshimderimen rastaldy, óıtkeni qosymsha kelisimder boıynsha tólem júrgizý kezinde JK qosymsha jumystardy aıaqtady. Alqaptardy shegirtkeden óńdeý boıynsha qosymsha jumystar júrgizý týraly AShM basshylyǵy sotta burynǵy aýyl sharýashylyǵy vıse-mınıstri Rahymbekovtyń rastaǵanyn bildi», dedi sottyń baspasóz qyzmetindegiler.
Aınabekovke qatysty jedel is-sharalar bir jarym jyl júzege asyrylǵanyna qaramastan, onyń JK nemese onyń basshysy Qalmuratovtyń paıdasyna zańsyz is-áreketter jasaý deregi anyqtalǵan joq. Qylmystyq kodekstiń 361-baby 3-tarmaǵy 4-bóligi jáne 362-baby 4-bóligi 3-tarmaǵy úshin mindetti zııannyń eleýliligin nemese aýyr zardaptardy aıyptaý organy dáleldegen joq.
Aqtaý úkimi zańdy kúshine endi.
2020 jyldyń mamyrynda Aýyl sharýashylyǵy mınıstrliginiń Agroónerkásiptik keshendegi memlekettik ınspeksııa komıtetiniń burynǵy tóraǵasy 6 jylǵa bas bostandyǵynan aıyrylyp, ómir boıy memlekettik qyzmette bolý quqyǵynan aıyrylǵan bolatyn.
