Búginnen bastap munaıly shahar turǵyndary men qonaqtary qoǵamdyq kólikterge Ashyq qosymshasy arqyly otyrady.
«Turǵyndardyń qaýipsizdigi úshin avtobýstarǵa «qyzyl» jáne «sary» mártebesi bar adamdar kirgizilmeıdi. Biraq, mobıldi smartfony joq, sondaı-aq atalǵan qosymsha júktelmegen jolaýshylardyń qoǵamdyq kólikke otyrýyna ruqsat beriledi. Al, Ashyq jobasy turǵyndar arasynda koronavırýs ınfeksııasynyń taralý táýekelin anyqtaıtyn qosymsha shara retinde engizilip otyr. О́ıtkeni, qoǵamdyq kólikter – adamdardyń kóp shoǵyrlanatyn orynnyń biri», dep habarlady ákimdiktiń baspasóz qyzmeti.
