Qatardaǵy jaýynger Batyrhan Beıbituly 2019 jyldan beri «Batys» óńirlik qolbasshylyǵynyń №5546 áskerı bóliminde kelisimshart qyzmetiniń áskerı qyzmetshisi bolyp qyzmet etedi. Ol keshe, 3 tamyzda qyzmetten kele jatyp, jeke úıdiń terezesinen qara tútin men jalyndy baıqap qalǵan.
«Mundaıda ýaqyt joǵaltpaý kerek. Sondyqtan, Batyrhan Beıbituly telefonmen órt sóndirýshiler men jedel járdemge dereý habarlaǵan. О́rt sóndirýshiler brıgadasy kelgenshe, órtenip jatqan úıge kirip, ishki bólmedegi dıvanda es-tússiz kúıde jatqan qarııany tapqan. Ony órtenip jatqan úıden kóshege shyǵaryp, alǵashqy medısınalyq kómek kórsetken. Sodan keıin áskerı qyzmetshi gaz qondyrǵysyn óshirý úshin janyp jatqan úıge qaıta kirgen», deıdi QR «Batys» respýblıkalyq ulttyq gvardııasy baspasóz qyzmetiniń bastyǵy, podpolkovnık Erbolat Sultanov.
О́rt sóndirýshiler jalyndy der kezinde sóndirdi. Al, áskerı bólim tótenshe jaǵdaıda kórsetken batyldyǵy men kásibı sheberligi úshin qatardaǵy jaýynger Batyrhan Beıbitulyn marapattaýǵa usynyp otyr.
