Qorǵanys mınıstrliginiń baspasóz qyzmeti taratqan málimetke qaraǵanda, stasıonar 150 naýqasqa arnalǵan. Bul rette medısınalyq mekemede somatıkalyq patologııasy bar áskerı qyzmetshilerdi emdeý, sondaı-aq áskerı-dárigerlik jáne dárigerlik-ushqyshtyq saraptama júrgizý úshin 100 oryn saqtalady.
Qalyptasqan jaǵdaıda áskerı dárigerler azamattardy gospıtalǵa jatqyzyp, bilikti medısınalyq kómek kórsetý úshin qolda bar resýrstardy jumyldyrdy.
– Bizdiń áskerı gospıtal ekinshi eshelonǵa jatady. Sondyqtan ınfeksııalyq stasıonarǵa ortasha aýyr jáne aýyr naýqastar jatqyzylatyn bolady. Jeke quram buǵan daıyn. Bizdiń medısınalyq personaldyń koronavırýstyq ınfeksııamen aýyratyn naýqastardy emdeý isinde tájirıbesi bar. Ol úshin bizde ókpeni jasandy jeldetý jáne gemodıalız apparattarymen jabdyqtalǵan jansaqtaý bólimshesi, sondaı-aq qajetti dári-dármek bar, – dedi Almaty qalasyndaǵy Áskerı klınıkalyq gospıtal bastyǵynyń mindetin ýaqytsha atqarýshy medısına qyzmetiniń podpolkovnıgi Abdývalı Paltýshev.
Áskerı gospıtal dárigerleri ótken jylǵy sáýirden bastap azamattarǵa kómek kórsetýge eki ret tartylǵan bolatyn. Nátıjesinde, 1 430 adam, sonyń ishinde shamamen 30 paıyzdaı aýyr jáne asqynǵan jaǵdaıdaǵy pasıent emdelip shyqqan.
Bıylǵy shildeden bastap elordadaǵy Bas áskerı klınıkalyq gospıtal koronavırýspen naýqastanǵandardy emdeý úshin qaıta jumyldyrylǵanyn atap ótken jón. Almaty, Taldyqorǵan jáne Úsharal qalalaryndaǵy úsh áskerı-emdeý mekemesi de azamattardy qabyldaýǵa daıyn. Aıagóz, Taldyqorǵan, Saryózek jáne Semeı áskerı gospıtaldarynda qosymsha tórt ınfeksııalyq oqshaýlaǵysh qyzmet kórsetip tur. PTR-testileý úshin Nur-Sultan men Almatyda eki stasıonarlyq zerthana, sondaı-aq Aqtaý men Semeıde mobıldi zerthanalyq keshender iske qosylǵan.
