Koronavırýs • 05 Tamyz, 2021

Saqtyq talapqa saı emes

37 ret kórsetildi

Qazirgi kezde elimizde koronavırýs indetin juqtyrǵandardyń sany kún saıyn artyp keledi. Jahandy jaılaǵan qaýipti indet Jambyl óńirine de ońaı tıip otyrǵan joq. Aımaqta koronavırýstyń kún saıyn ósý deregi tirkelip, naýqastar sany artýda. О́kinishke qaraı, qaýipti indet saldarynan qaıtys bolyp ketkender de bar.

Derek boıynsha, oblys aýmaǵynda qaýipti indettiń 13 168, al pnevmonııanyń 6 001 jaǵdaıy tirkelgen. Oblystyq densaýlyq saqtaý basqarmasynyń sońǵy taratqan aqparaty boıynsha, ınfeksııalyq stasıo­narlarda búgingi tańda 3 490 tósektik oryn bar bolsa, onyń búginde 2 156 orny nemese 62 paıyzy tolyp tur. Onyń ishinde reanımasııada 153 naýqas em qabyldaýda. Al karantındik qurylymdarǵa 66 tulǵa ornalastyrylǵan.

О́ńirde órship turǵan qaýipti indettiń betin qaıtarý maqsatynda túrli sharalar qabyldanyp, jumystar atqarylýda. Dárigerler elimizde aýrýdyń ósýiniń birden-bir basty sebebi «Delta» shtamy ekenin aıtyp jatyr. Bul rette dárigerler atalǵan aýrý túriniń de qaýipti ekenin alǵa tartyp, meılinshe saqtaný kerek ekenin eskertýde.

Atalǵan aýrý klınıkasynyń erekshelikteri – ınkýbasııalyq kezeńniń 5 kúnge deıin qysqarýy eken. Iаǵnı ishek belgileriniń basymdyǵy, indettiń tez damýy, jas naýqastar sanynyń kóbeıýi, balalar men júkti áıelder syrqatynyń aýyr aǵymy sııaqty belgileri bar.

«Úndistannyń koronavırýs shtamy ókpege basqalarǵa qaraǵanda tezirek áser etedi. Tipti alǵashqy úsh kúninde naýqas jansaqtaý bóliminde bolýy múmkin. Sondyqtan búgingi tańda azamattardan jedel respıratorlyq vırýstyq ınfeksııanyń murynnyń bitelýi, bastyń aýrýy, dene qyzýynyń kóterilýi, súıekterdiń syrqyrýy, sharshaǵyshtyq sııaqty alǵashqy belgileri baıqalǵan kezde árbir azamattan barlyq jumysty toqtatyp, úıde qalyp, medısınalyq kómekke júginýi talap etiledi. Jańa shtamm asqazan-ishek buzylystarynyń paıda bolýy, tábettiń joǵalýy, ishtiń aýrýy, qusý, dıareıa, estý qabiletiniń tómendeýi, býyndardyń aýrýy sııaqty qosymsha belgilermen sıpattalady. Mundaı jaǵdaıda turǵylyqty jerińiz boıynsha emhanaǵa qońyraý shalý qajet», deıdi oblystyq densaýlyq saqtaý basqarmasynyń basshysy Áset Qalıev.

Búginde qaýipti indetten qorǵanýdyń birden-bir joly qoǵamdyq oryndarda medısınalyq maska kııý, jeke gıgıena talaptaryn saqtaý, toılar men merekelik is-sharalardan bas tartý ekeni aıtylyp keledi. Alaıda kópshilik qatań talaptardy saqtap otyrǵan joq. Taraz qalasy qazir qaýipti indet juqtyrý boıynsha aldyńǵy qatarǵa shyǵyp ketti. Oblys ortalyǵynda osy jyldyń qańtar aıynan beri 6 730 jaǵdaı tirkelgen. Dese de munda toı jasaý toqtamaı tur. Máselen, qala boıynsha 74 meıramhana, 220 dámhana, 75 sýpermarket pen saýda ortalyǵy, 645 azyq-túlik dúkeni, 19 saýda bazary, 63 qurylys dúkeni men 44 monsha jumys atqarady eken.

Al Taraz qalasy ákiminiń orynbasary Almas Sadýbaevtyń aıtýynsha, karantındik shekteý sharalary bastalǵannan beri 468 ákimshilik-quqyq buzýshylyq týraly hattama toltyrylyp, 90 mln 119 myń 940 teńge kóleminde aıyppul salynǵan. Onyń ishinde 7 zańdy tulǵa, 202 jeke kásipker men 259 jeke tulǵa bar.

 

Jambyl oblysy

 

Sońǵy jańalyqtar

«Qyzyl» aımaqta 2 megapolıs pen 4 oblys tur

Koronavırýs • Búgin, 11:20

Taǵy 1677 adamnan koronavırýs anyqtaldy

Koronavırýs • Búgin, 09:40

Qazaqstanda qansha adam vaksına saldyrdy?

Koronavırýs • Búgin, 09:00

9 sý qoımasy salynady

Ekologııa • Keshe

QHL: «Barys» «Lokomotıvten» jeńildi

Hokkeı • 22 Qazan, 2021

Bekire balyǵyn zańsyz aýlaǵandar ustaldy

Ekologııa • 22 Qazan, 2021

Belarýste maska rejımi joıyldy

Álem • 22 Qazan, 2021

Uqsas jańalyqtar