Qazaqstan • 05 Tamyz, 2021

«Mereıli otbasy» baıqaýynyń erejesine ózgerister engizildi

43 ret kórsetildi

Aqparat jáne qoǵamdyq damý mınıstrligi «Mereıli otbasy» ulttyq baıqaýyn ótkizý erejesine ózgerister men tolyqtyrýlar engiziletin QR Úkimeti qaýlysynyń jobasyn daıyndady, dep habarlaıdy Egemen.kz.

Konkýrsqa qatysý úshin tómendegi qujattardy usyný qajet:

  • Ata-analardyń (qorǵanshylardyń, qamqorshylardyń) jeke basyn kýálandyratyn qujattardyń kóshirmeleri, balalardyń týý týraly kýálikteriniń kóshirmeleri;
  • Asyrap alýshy (qorǵanshy) otbasylar úshin-jergilikti ýákiletti organnyń kámeletke tolmaǵan balaǵa qorǵanshylyqty (qamqorshylyqty) belgileý týraly sheshiminen úzindi kóshirme;
  • Neke qııý týraly kýáliktiń kóshirmesi;
  • Ata-anasynyń bireýi qaıtys bolǵan jaǵdaıda qaıtys bolý týraly kýáliktiń kóshirmesi (bar bolsa);
  • Balalardy tárbıelegeni úshin kótermeleýlerdiń, belgili bir jetistikteri úshin kótermeleýlerdiń bar ekenin kýálandyratyn qujattardyń kóshirmeleri;
  • Zańdy nemese jeke tulǵalardyń usynys hattary (ekeýden kem emes);
  • Otbasy músheleriniń eńbektegi, sporttaǵy, shyǵarmashylyq, zııatkerlik, ǵylymı jetistikterin rastaıtyn qujattardyń kóshirmeleri;
  • Qoǵamdyq paıdaly qyzmetke qatysqanyn rastaıtyn qujattardyń kóshirmeleri (volonterlik, qaıyrymdylyq, mesenattyq, tálimgerlik);
  • Derbes derekterdi jınaýǵa jáne óńdeýge kelisim.

Qujattar toptamasy tolyq usynylmaǵan kezde komıssııa ótinim usynylǵan kúnnen bastap eki jumys kúni ishinde konkýrsqa qatysýǵa nıet bildirgen otbasyna ótinimdi talaptarǵa sáıkes keltirý qajettigi týraly habarlama jiberedi.

Konkýrsqa qatysýǵa nıet bildirgen otbasy habarlamany alǵan kúnnen bastap úsh jumys kúni ishinde joq qujattardy aýdandyq komıssııaǵa qaǵaz nemese elektrondyq jetkizgishte usynady.

Komıssııa konkýrsqa qatysý úshin ótinimderdi qabyldaý aıaqtalǵan sátten bastap 15 jumys kúninen aspaıtyn merzimde alynǵan aqparatty jan-jaqty tekserýdi júzege asyrady, irikteý júrgizedi jáne oblystyq (respýblıkalyq mańyzy bar qalalardyń, astananyń) komıssııalardyń qaraýy úshin eki otbasyn aıqyndaıdy.

Aýdandyq (qalalyq) komıssııanyń sheshimi hattamamen resimdeledi, onda konkýrstyq irikteýdiń aýdandyq (qalalyq) kezeńinen ótken eki otbasy jáne sebepterin kórsete otyryp, konkýrstyq irikteýdiń osy kezeńinen ótpegen otbasylar kórsetiledi.

Sodan keıin oblystyq (respýblıkalyq mańyzy bar qalalardyń, astananyń) komıssııalar aýdandyq nemese qalalyq komıssııalardan ótinimderdi alǵan sátten bastap 15 jumys kúninen aspaıdy, qajet bolǵan jaǵdaıda usynylǵan ótinimderdi qosymsha tekserýdi júzege asyrady, irikteý júrgizedi jáne jeńimpaz bir otbasyn aıqyndaıdy.

Komıssııanyń sheshimi hattamamen resimdeledi, onda konkýrstyń jeńimpazy jáne sebepterin kórsete otyryp, jeńimpaz dep tanylmaǵan otbasylar kórsetiledi.

Oblystyq (respýblıkalyq mańyzy bar qalalardyń, astananyń) komıssııa hattamaǵa qol qoıylǵanǵa deıin úsh jumys kúninen keshiktirmeı ótinimderde kórsetilgen konkýrsqa qatysýǵa nıet bildirgen otbasylardyń elektrondyq mekenjaılaryna hattama jobasymen jáne negizdemesimen habarlama jiberedi.

Qujattyń tolyq nusqasyn «Ashyq NQA» saıtynan kórýge bolady.

Sońǵy jańalyqtar

Ekijaqty yntymaqtastyqtyń sony serpini

Saıasat • Búgin, 08:23

Ulttyq jobalar – kemel keleshek kepili

Qazaqstan • Búgin, 08:15

Asyl aǵanyń sharapaty

Rýhanııat • Búgin, 00:08

Barlyq saladaǵy kórsetkishter saralandy

Aımaqtar • Búgin, 00:02

Quımaqulaq

Rýhanııat • Keshe

Qoǵamnyń biteý jarasy

Qoǵam • Keshe

Gaz baǵasy nege qymbat?

Aımaqtar • Keshe

Erbosynulyn aýyr synaq kútip tur

Kásipqoı boks • Keshe

Uqsas jańalyqtar