Shalǵaı aýyldardyń turǵyndaryna, ásirese, qysta em-dom alý úshin aýrýhanalarǵa qatynaý qıyn. Osyny eskergen bolý kerek, jergilikti basshylyq aımaqtyń densaýlyq saqtaý salasyna 45 mln. teńgege jańa avtokólikter alyp berdi.
Shalǵaı aýyldardyń turǵyndaryna, ásirese, qysta em-dom alý úshin aýrýhanalarǵa qatynaý qıyn. Osyny eskergen bolý kerek, jergilikti basshylyq aımaqtyń densaýlyq saqtaý salasyna 45 mln. teńgege jańa avtokólikter alyp berdi.
– Bul – Elbasy Nursultan Nazarbaevtyń Qazaqstan halqyna Joldaýynda aıtylǵan tapsyrmalardy jáne «Salamatty Qazaqstan» baǵdarlamasyn júzege asyrý barysyndaǵy aýyldyq jerlerde dárigerlik kómektiń qoljetimdiligin arttyrý baǵytyndaǵy jumystarymyzdyń biri. Jańa bastalǵan jyl ishinde birneshe dárigerlik nysannyń qurylysy aıaqtalady dep kútilýde, – dedi Mańǵystaý oblysy ákiminiń orynbasary H.Nurǵalıeva kólik tapsyrý sátinde.
Oblystyń aýdan-qalalaryna bólingen bul kólikter aımaq densaýlyq saqtaý salasynyń áleýetin arttyrý, «Jedel járdem» qyzmetin damytý úshin berilgen kómektiń birinshi bóligi, ekinshi bóligi – respýblıkalyq bıýdjetten bólingen 30-ǵa tarta reanımobılder. «Jedel járdem» stansalaryna arnalǵan bul kólikter medısınalyq qural-jabdyqtarmen tolyq jaraqtandyrylǵan. Al kilti aldymen qolǵa tıgen 15 «ÝAZ» oblys ortalyǵynan ózderi bólingen aýdandarǵa attanyp ketti, qabyldap alýshylardyń aıtýynsha, olar odan ári shalǵaı aýyldarǵa jiberilmek.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy.
