Shtab otyrysynda qala ákiminiń orynbasary Bektas Nurıdınov qala aýmaǵynda karantın talaptarynyń saqtalý barysy, indettiń aldyn alý sharalary týraly atqarylyp jatqan jumystar jaıyna toqtaldy.
Bektas Balǵabaıulynyń baıandaýynsha Qyzylorda oblysy qyzyl aımaqqa engenimen qalada sanıtarlyq talaptar men karantındik shekteýlerdi eskermeıtinder qatary azaımaǵan. Jalpy búgingi kúnge deıin qalada sanıtarııalyq-epıdemııaǵa qarsy talaptardyń saqtalýyn baqylaý boıynsha qurylǵan 16 monıtorıngtik top (aýyldyq okrýgterde – 9, qalada - 7) jumys jasap keledi. Atalǵan top jyl basynan búgingi kúnge deıin 5510 márte nysandar aralap, onyń ishinde karantın talaptaryn buzǵan 230 nysanǵa (onyń 67-i toı) shara qoldaný úshin quzyrly organdarǵa habarlamalar joldandy. Qazirgi tańda onyń 118-ne shara qabyldandy.
Qala ákimi, jedel shtab tóraǵasy Ǵ.Qazantaev mobıldik top múshelerine qala aýmaǵyndaǵy qaýipsizdik sharalardy odan ári kúsheıtýdi tapsyrdy.
«Álemde tarap jatqan koronavırýs indetiniń taralýyna jol bermeýdiń birden bir joly – Bas memlekettik sanıtarııalyq dárigerdiń qoldanystaǵy qaýlysyna sáıkes karantın talaptaryn qatań saqtaý. Búginde atalǵan talaptardyń saqtalýyn baqylaý Qyzylorda qalasy ákimdigi janynan qurylǵan monıtorıngtik toptar tarapynan qarqyndy júrgizilýde. Degenmen de, halqymyzdyń qaýipsizdigin qamtamasyz etý baǵytynda qabyldanǵan shekteý sharalaryna qaramastan, turǵyndar karantın rejımin saqtamaı, aýrýdyń qaýiptiligin áli sezinbeı júr deýge bolady. Oǵan dálel, qala aýmaǵyndaǵy toıhanalar men jeke turǵyn úılerde ótkizilip jatqan toı-tomalaqtar. Qazirgi tańda koronavırýs ınfeksııasynyń taralý kórsetkishi qalada kúnine 100-150 adamdy qurap otyr. Bul tek aýyryp aýrýhanaǵa qaralǵan adamdardyń sany. Dárigerge qaralmaı úı jaǵdaıynda aýyryp jatqan adamdar qanshama? Sondyqtan, qala aýmaǵynda qaýipsizdik sharalarymen qatar, túsindirme jumystaryn kúsheıtýimiz qajet. Bul barlyq jaýapty tulǵalarǵa qatysty», dedi shahar basshysy.
