«Qazaqstan Prezıdenti Qasym-Jomart Toqaevtyń tapsyrmasy boıynsha QR Tótenshe jaǵdaılar mınıstrligi sýaǵar qurylǵylary bar «Qazavıaqutqarý» AQ-nyń Mı-8 AMT eki tikushaǵyn jáne quramynda 16 qutqarýshy bar jedel tobyn orman órtterin sóndirýge kómek kórsetý úshin Túrkııa Respýblıkasyna jiberdi», dedi Talǵat Ýálı. Qazaqstandyq tikushaqtar búgin ushyp shyqty jáne úsh memlekette aıaldap, olardyń shekarasy arqyly Túrkııanyń Muǵla qalasyna jetedi. Jedel topty Nur-Sultan qalasynyń áýejaıynda QR TJM birinshi vıse-mınıstri Ibragım Kúlshimbaev shyǵaryp saldy.
«Bizdiń qutqarýshylarymyzdyń jergilikti túrik bıligimen ózara is-qımylyn Qazaqstannyń Túrkııadaǵy Elshiligi úılestiredi.
Sondaı-aq, Qazaqstan órtengen aýmaqtardaǵy orman jamylǵysyn qalpyna keltirýge gýmanıtarlyq kómek kórsetýge nıetti. Otyrǵyzylǵan orman qazaq jáne túrik halyqtarynyń arasyndaǵy dostyq pen baýyrlastyq baılanystardyń sımvoly bolady», dedi resmı ókil.
