Jurt bolyp jabyla atsalysyp jatqan sharapatty isten Qostanaı oblysynyń turǵyndary da tys qalǵan joq. Arqalyq, Amangeldi óńirindegi shaǵyn sharýalar birigip, 6 tamyzda túbektegi elge eki vagon túktelgen shóp tıep jiberdi.
El azamattaryn uıymdastyryp ortaq istiń basy-qasynda, jan salyp júgirip júrgen jannyń biri - amangeldilik sharýa Baqytjan Jumabaev. Aıtýynsha, Amangeldi tóńireginde kóktemde ózen sýy jaıylǵan jerlerde shóp bar. Biraq bıylǵy qurǵaqshylyq Arqalyq pen Torǵaı jaǵyna aýyrlaý soǵyp tur.
- Soǵan qaramastan, ár óńirden jigitterMańǵystaýdaǵy aǵaıynǵa kómek berip, birlik pen baýyrmaldyqqa úndep, jantalasyp jatqanda, jaǵdaıdy kórip-bilip turyp jaıbaraqat jata almadyq. Shydaı almaı kettik. Amangeldiniń mańaıyndaǵy shaǵyn sharýa qojalyqtary men júk tasymaldap júrgen júrgizýshiler bar – solardyń basyn qosyp, qolymyzdan kelgenshe shóp jınap, Arqalyqqa deıin jetkizip berdik. Osyndaı qysyltaıań kezeńde bir aýyz sózge kelmesten qoldaý kórsetip, qolyndaǵy barymen bólisken Amankeldi aýdanynyń jeke kásipkerleri Myrzaǵalı Turmaǵanbetov, Dastan Mýsın, Áset Ábdibekov, Saǵdat Daýǵarın, Mels Bójentaev, Serik Qaıyrbekov sııaqty azamattarǵa alǵysym sheksiz. Jınalǵan shóptiń bas-aıaǵy 21 tonnadaı bolady. Ony jergilikti júrgizýshiler - Serik Shubataev, Marat Altynbaev, Sábıtjan Jarmaǵanbetovter ózderiniń júk kólikterine tıep, Arqalyqqa deıin jetkizip berdi, - dedi B. Jumabaev.
Arqalyq vokzalyna kelgen shópti vagonǵa tıeý qol kúshin qajet etedi. Bul mindetti qalalyq jastar resýrstyq ortalyǵynan shyqqan 20 eriktiatqardy.
degen top qurǵanbyz. Sol jerge fotosýretterdi jiberip, bárine 3-4 sharýa qojalyǵy birigip árqaısy 350 kılo tartatyn 60 rýlon shóp jibergenimizdi habarladyq. Áli de shóp beremiz dep jatqan sharýashylyqtar bar. Olardyń kóbi: «shóp bar, biraq ony qajetti jerge jetkizip beretin kólik bolmaı otyr. Osyny qalaı sheshsek eken? - dep jazyp jatyr. Kólik jaǵyn uıymdastyrýǵa ýaqyt tarshylyq etip qaldy. Onyń syrtynda dál qazir júk kóligin tabý qıynǵa soǵyp tur. О́ıtkeni qazir, ózderińiz bilesizder, naǵyz qaýyrt shaq, egin maýsymy bastaldy. Sondyqtan amandyq bolsa, aldaǵy kúnderi batystaǵy aǵaıynǵa taǵy shóp jiberemiz dep josparlap otyrmyz, - dedi ıgi iske uıtqy bola bilgen Baýyrjan.
Arqalyq óńirindegi eldi mekenderdiń de birazy bıyl ala jazdaı shyjyp turyp alǵan aptap ystyqqa urynyp, shabyndyqsyz qalǵan. Bul aýyldar da qysqy mal azyǵyn Amangeldi aýdanynan alyp jatyr.
Oblystyń soltústik aýdandarynyń birazynda shóp qory jetkilikti. Mundaǵy sharýalar bıyl shabyndyǵy suıylyp ketken Jitiqara, Denısov, Beıimbet Maılın aýdandaryna kómektesip jatyr. 
