Jaqynda kámeletke tolmaǵandar isteri jónindegi mamandandyrylǵan aýdanaralyq sottyń úkimimen 2 boryshker Qylmystyq Kodekstiń 139 babyna (alıment tóleýdan jaltarý) sáıkes kináli dep tanylyp, 1 jylǵa bostandyǵy shektelip, taǵaıyndalǵan barlyq merzimge probasııalyq baqylaý qoıylyp, 100 saǵat májbúrli eńbekke tartyldy. Úkimder zańdy kúshine endi.
Boryshkerlerdiń alıment boıynsha bereshek somalary tıisinshe 924 733 teńgeni jáne 1 653 260 teńgeni qurady. Olar birneshe jyl boıy kámeletke tolmaǵan balalaryn asyraý úshin alıment tólemegen.
Bıyldyń birinshi jartysynda quqyq qorǵaý organdary 76 boryshkerge qatysty qylmystyq is qozǵap, onyń 7-eýi «kókek ákelerdiń» bereshek somasyn ile tolyq tóleýine oraı toqtatylǵan.
Sonymen qatar turaqty negizde boryshkerlerdi jumysqa ornalastyrý is-sharalary ótkizilýde. О́tken alty aıda 230 boryshker jumysqa ornalastyrylǵan. Osylaısha, Ádilet departamenti atqarǵan jumystyń nátıjesinde problemaly alıment tólemeýshiler sany 12 paıyzǵa azaıǵan.
«Egemen-aqparat»
