8 tamyzda Áıteke bı aýdany polısııasynyń «102» pýltine jol-kólik oqıǵasy kýágerlerinen habarlama kelip tústi. Olar Toyota Camry avtokóligi kıývetke ushyp ketip, zardap shekkenderdiń baryn habarlady.
«Mańǵystaý oblysynyń 48 jastaǵy turǵyny Toyota Camry avtokóligimen Samara-Shymkent avtojolynyń 925 shaqyrymynda rýldi basqara almaı, avtokólik aýdarylýyp ketken. Jol apatynan Qyzylorda oblysynyń 37 jastaǵy turǵyny men 10 jastaǵy bala zardap shekti», dep habarlady oblystyq polısııa departamenti.
Zardap shekken áıel men bala Áıteke bı aýdanynyń ortalyq aýdandyq aýrýhanasyna jetkizilgen, biraq bala esin jınaı almaı qaıtys boldy. Júrgizýshi Áıteke bı aýdanynyń ortalyq aýrýhanasynda jatyr.
«Qazirgi ýaqytta atalǵan fakti boıynsha QR QIJK 128 – baby boıynsha qylmystyq is qozǵaldy», dep naqtylady polısııadan.
