Koronavırýs • 10 Tamyz, 2021

Halal vaksına degen bola ma?

123 ret kórsetildi

Qaza, ólim-jitim kóbeıgen kúnderde Almatynyń meshitteri de qazirgi ahýaldan qalys qala almaıdy. Bir jaǵynan din men derttiń baılanysy, em qabyldaýda da ózindik pátýalar bar ekenin joqqa shyǵarýǵa bolmas. Máselen, shıpasy bar tunbalar men dári-dármekterdiń quramynda etıl spırti nemese shoshqa maıy bolýy múmkin.

Osyndaı saýaldarǵa qatys­ty Almaty ortalyq meshitiniń naıb-­ımamy Madııar Pirimqulov musyl­mandarǵa vaksına máse­lesine kú­mán­danýdyń qajeti joq ekenin aıtyp otyr.

«Vaksına halal, sondyqtan mu­syl­mandarǵa qoldanýǵa ruqsat eti­ledi. О́kinishke qaraı, indettiń ór­shýi bul týraly oılanýǵa mur­sha bermeıdi. Almatydaǵy epı­de­mııalyq ahýal óte kúrdeli, bar­lyq ımam qaladaǵy jaǵdaıdy muqııat baqylap otyr. Biz juq­tyrǵandardyń sany turaqty ósip kele jatqanyn bilemiz. Sondaı-aq otbasylarymyzdy koronavı­rýstan qorǵap, bir-birimiz­diń ál-aýqa­tymyzǵa qamqorlyq ja­saýy­myz kerek. Vaksına – den­saýlyq pen ómirdi saqtaý úshin osy jaǵ­daıdaǵy jalǵyz aqyl­ǵa qonymdy sheshim», dedi M.Pirimqulov.

Naıb-ımam reseılik «Spýtnık V» vaksınasyn jasaýshy­lar­dyń málimetterinen habardar eke­nin aıtady.

«Ol halal, óıtkeni onyń qu­ra­mynda shoshqa jelatıni jáne ıslamda tyıym salynǵan basqa da ónimder joq. Bul vaksına Iran, Bahreın jáne BAÁ sııaq­ty birqatar musylman elinde qoldanylady. Sondyqtan ýaqyt­ty bosqa ketirmeı vaksınalardy halal jáne halal emes jaǵynan qarastyrmańyz. Adamdardyń ómirin qutqaratyn kez keldi», dep sózin naqtylady naıb-ımam.

Qazaqstan musylmandary dinı basqarmasy buǵan deıin «Islam­da adam ómiri men densaýlyǵynan ar­tyq qundylyq joq» degen málimdeme taratqan bolatyn. Sondyqtan árkim óz densaýlyǵyna erekshe nazar aýdarýy kerek. Rý­hanı basqarma vaksına adam densaýlyǵyn qazirgi ýaqytta jahandyq qaýip tóndiretin ko­ronavırýstan qorǵaýdyń eń qa­ýipsiz jáne tıimdi ádisi ekenin eske saldy. Al sharıǵatta vaksı­nalaýǵa ruqsat berildi. Biraq vak­sına – bul ár azamattyń jeke tań­daýy.

«О́zderińiz biletindeı, biz­diń elimizde jáne álemde indet­pen baılanysty jaǵdaı kúr­deli. Kún saıyn bir otbasynan bir­neshe adam juqpaly aýrý­dan qaıtys bolǵany týraly qaı­ǵyly oqıǵalar qaıtalana bas­tady. Bul vaksınanyń qajettiligin kórsetedi. Sondyqtan densaý­ly­ǵymyz ben ómirimizdi saqtap qalý úshin vaksınadan ótýge shaqy­ramyz», delingen QMDB habarlamasynda.

Jalpy, álemdik dinı ókilderi vaksınalanýdan bas tartatyn barlyq dinı senýshiler tek ózderin ǵana emes, aınalasyndaǵylar­dyń densaýlyǵyn oılaýy tıis ekenin tynbaı aıtyp keledi. О́ıt­keni barlyq din, eń aldymen, jaqyndaryn qorǵaýdy bas­ty paryz sanaıdy. Osy rette Almatynyń eń úlken meshit­te­riniń naıb ımamdary da óz usta­nymdaryn alǵa tartty.

Nurbolat Dúısebaev, Al­maty qalasy Bostandyq aýdany «Baı­ken» meshitiniń naıb-ımamy:

– Sharıǵatta koronavırýsqa qarsy vaksınaǵa ruqsat etilgenin ári qasıetti Quranda ózine de, basqalarǵa da zııan tıgizbeý kerek ekeni aıtylǵan. Alla qandaı aýrý jiberse de, onyń mol saýabyn jiberedi. Jalpy, Almatyda dinı birlestikter ókilderiniń kópshili­gi ózderin jáne jaqyndaryn qa­ýipsizdendirý úshin ǵana emes, sonymen qatar indetpen kúreste Qazaqstan halqynyń birligin kórsetý úshin, ekpeniń ómirlik qajet ekenin kórsetý úshin vaksına alyp jatyr.

Qanatáli Takırov, «Álı Mu­­hammed» meshitiniń ımamy:

– Koronavırýsqa qarsy vak­­sınalarda Islam dinin usta­ný­shylar úshin tyıym salynǵan eshteńe joq. Bizdiń ata-babalarymyz da «Aýyryp em izdegenshe, aýyrmaıtyn jol izde» degen. Kóptegen dinı qyzmetker qazirdiń ózinde vaksınalanǵan. Sondyqtan Almatynyń basqa turǵyndaryn olardy úlgi etýge shaqyramyz. Ǵylym ıslamnyń bir bóligi ekenin este saqtaý kerek jáne biz ǵylymı zertteýlerge senýimiz ke­rek. Almaty ımamdarynyń bel­sendi ustanymynyń arqasynda me­shitter juqpaly keselderdiń aldyn alyp, myńdaǵan adamnyń ómirin saqtap qaldy. Ujymdyq duǵalarǵa tyıym salyndy.

Baýyrjan Kóptileýov, «Tóle bı» meshitiniń us­tazy:

– Qastandyq teorııasyna senbeý kerek, din máselelerinde ımamdardy, medısına máselelerinde dárigerlerdi tyńdaý kerek. Qa­zir koronavırýstyń tórtinshi tol­qyny údep, jurt jappaı aýyryp jatyr. Tepse temir úzetin jas­tarǵa da indet juǵyp jatyr. Adam ómirin saqtaý jáne qutqarý úshin jasalyp jatqan barlyq iske sharıǵat tyıym salmaıdy, ke­risinshe, quptalady. Sondaı-aq paı­ǵambarymyzdyń s.ǵ.s «О́zińe de, ózgege de zııan tımesin» degen ha­­dısin esten shyǵarmaýymyz kerek.

 

ALMATY

 

Sońǵy jańalyqtar

Syrly aspaptardyń sıqyrly úni

О́ner • Búgin, 23:05

Aqshoqyda arqar atqan...

Aımaqtar • Búgin, 23:04

Jastarǵa janashyr joba

Qoǵam • Búgin, 23:01

Medısınalyq poıyz – Jetisý oblysynda

Medısına • Búgin, 23:00

Týrıster qyzyǵatyn ólke

Týrızm • Búgin, 22:58

Uqsas jańalyqtar