Aımaqtar • 10 Tamyz, 2021

Shahar shyraıy

45 ret kórsetildi

Qaraǵandyǵa seriktes qala Shahtınskiniń jastary aınaladaǵy suryqsyz sur tústi ózgertkisi keledi, shahardyń shyraılana túskenin qalaıdy. Taıaýda olar qaladaǵy transformatorlyq qosalqy stansanyń qabyrǵasyna graffıtı sýretin saldy.

Shahtınsk qalalyq jas­tar resýrstyq ortalyǵynyń jetekshisi Jasulan Hamıtov bul ıgi istiń týǵan qalanyń 60 jyldyq mereıtoıyna jasalǵan tartý ekenin aıtady.

– Bıyl bizdiń qalamyzda úsh kópqabatty úıdiń qabyr­ǵasyna mýral salyndy. Osyny kórgennen keıin biz sýret avtor­larymen baılanysqa shyǵyp, basty kóshemiz Abaı Qu­nan­baev dańǵylyndaǵy trans­formator býdkasyn be­zendirip berýlerin ótindik. Jastar bizdiń ıdeıamyzdy qol­dap, qosalqy stansanyń qabyrǵalaryna sýretti tegin salyp berdi, – deıdi ol.

Qalanyń shyraılana tú­sýine úlesin qosqan sýret­shilerge jastar ortalyǵy aýmaq­ty retke keltirip, qa­jetti materıaldarmen qamta­masyz etip, qoldan kelgen kómektiń bárin kórsetken. Jas­ulan Hamıtov bul ıdeıany jergilikti talantty jas­tar qoldap, aldaǵy ýaqytta Shah­tınsk qalasynyń barlyq trans­formatorlyq qosalqy stansasy ádemi keıipke enedi dep úmittenedi.

Sonymen qatar ol qaladaǵy talantty jastardy Shahtınsk shaharyn shyraılandyrýǵa barynsha atsalysýǵa shaqyrdy. «Biz sizderdi jáne sizderdiń ıdeıalaryńyzdy talqylaýǵa, olardy qarastyrýǵa jáne jan-jaqty qoldaýǵa daıynbyz», – deıdi kenshilerdiń shaǵyn qalasyndaǵy jastardyń je­tekshisi.

 

Qaraǵandy oblysy,

Shahtınsk qalasy

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar