9 tamyzda Qaraǵandy qalasynda saǵat 14.30 shamasynda polıseıler patrýldeý baǵytynda júrgen kezde, Buqar Jyraý dańǵylyndaǵy jol ótpesinen sekirýge tyrysqan er adam týraly habarlama kelip tústi.
«Úsh mınýttan keıin biz oqıǵa ornyna jetip, jol ótkeliniń shetinde turǵan azamatty kórdik. Er adamnyń sýısıd jasaýyna bir ǵana qadam qalǵan. Tómende temirjol joldary, al joǵaryda kerneýli baılanys symdary bar. Men qorshaýdan ótip, onyń janyna baryp, sóılesýge tyrystym. Ol bul qylyqqa otbasylyq máseleler sebebep bolǵanyn aıtty. Men óz atymdy atadym, qolymdy sozdym, oǵan jalǵyz emes ekenin aıtqym keldi. Ol da qolyn soza bastady, sol sátti paıdalanyp, ony myqtap ustap, seriktesimmen birge qorshaýdan súıredim», dedi polısııa qyzmetkeri Raýan Orazbekov.
Qutqarylǵan azamat Qaraǵandy qalasynyń PB Ortalyq polısııa bólimine jetkizildi. Polısııa qyzmetkeri ótken jyly áriptesterimen birge sol kópirde ózin-ózi óltirgisi kelgen qyzdy qutqarǵanyn aıtty.
