«Pandemııadan shyǵýdyń mańyzdy joly vaksınasııa bolyp qala beredi. Qazirgi ýaqytta barlyǵy 5,9 mıllıonnan astam adam birinshi komponentpen egildi, ekinshi komponentpen 4,5 mıllıonǵa jýyq adam egildi. Biraq bul jetkiliksiz. Vaksınasııalaý qarqynyn kúsheıtý qajet, ásirese bul máseleni Batys Qazaqstan, Mańǵystaý jáne Atyraý oblystarynyń ákimderi baqylaýǵa alýy tıis. Sondaı-aq barlyq óńirlerde epıdjaǵdaıdy baqylaýda ustaý kerek», dedi Úkimet basshysy.
Ol, sondaı-aq, monıtorıng toptarynyń jumysyn jandandyrýdy tapsyrdy. Halyq shekteý sharalary men betperde rejımin saqtaýy tıis. Onyń aıtýynsha, tártip buzýshylar jaýapkershilikke tartylady.
Sonymen qatar Ashyq jobasyna qatysatyn nysandardyń sanyn keńeıtý tapsyryldy, bul pandemııa kezinde jumysty jalǵastyrýǵa múmkindik beredi. Qazir jobaǵa qatysýshylar sany - 101 myńdy quraıdy.
