«Jańa oqý jylyna daıyndyq júrgizý barysynda 268 mektep kúrdeli jóndeý jumysymen qamtyldy. Basym kópshiligi oqý jylynyń basyna deıin aıaqtalady. Degenmen, 36 mektepte kúrdeli jóndeý jumysyn aıaqtamaý qaýpi bar. 1 qyrkúıekke deıin jóndeý jumystary aıaqtalmaıtyn mektepterdiń eń kóp sany Almaty, Qostanaı oblystarynda. Sondyqtan osy oblystardyń ákimderin atalǵan máseleni jeke baqylaýda alyp, tıisti is-shara qoldanýlaryn suraımyn», dedi Ashat Aımaǵambetov.
Mınıstr oqýshylardyń oqýlyqpen qamtý jaıyn da erekshe nazarǵa aldy.
«Bıyl 1-synyp oqýshylaryn jańa oqýlyqtarmen qamtamasyz etý úshin jumys júrgizilýde. Qazirgi ýaqytta olardy baspalardan jetkizý jumysyn uıymdastyryp jatyrmyz. Odan basqa oqýshy kontıngentiniń ósýine baılanysty qosymsha oqýlyqtar jáne Memleket basshysynyń tapsyrmasy boıynsha kórkem ádebıet satyp alý jumysy da uıymdastyrylýda. Biraq, 2 oblys boıynsha oqýlyqtar jetkiliksiz. Olar: Túrkistan jáne Pavlodar oblystary. Biraq, qazir bul oblystar qosymsha qarjy bólip, másele sheshemin tabýda», dedi ol.
