Foto: Olympic.kz
Dzıýdoshy Eldos Smetov Olımpıada oıyndarynyń alǵashqy kúninde-aq Qazaqstan qorjynyna medal saldy.
Smetov 1992 jyly Taraz qalasynda dúnıege kelgen. Ol 2015 jylǵy álem chempıony, 2010 jylǵy jastar arasyndaǵy álem chempıony, 2016 jylǵy Azııa chempıony, 2014 jylǵy Azııa oıyndarynyń jeńimpazy. QR eńbek sińirgen sport sheberi, halyqaralyq sport sheberi.
Tokıodaǵy qola - Eldos Smetovtiń ekinshi Olımpıada medali. Birinshisi sportshy Rıoda jeńip alǵan «kúmis» boldy. Japonııa Olımpıadasynda úshinshi oryn alǵany úshin oǵan Mersedes kóligi syıǵa tartyldy.
Aýyr atlet Igor Son Qazaqstan qorjynyna ekinshi «qolany» saldy.
Sportshy 1998 jyly Almaty oblysynda dúnıege kelgen. Ol 2019 jylǵy aýyr atletıkadan álem chempıonatynyń kúmis júldegeri.
Tokıo oıyndary - onyń mansabyndaǵy alǵashqy Olımpıada. Jarystan keıin Igor mundaı nátıjeni ózi de kútpegenin moıyndady. Úshinshi oryn úshin aýyr atletıka federasııasy oǵan Toyota Camry avtokóligin ýáde etti.
Onyń artynan aýyr atlet Zýlfııa Chınshanlo úshinshi medaldi jeńip aldy.
28 jastaǵy aýyr atlet Qytaıda týǵan, 2007 jyldan beri Qazaqstan quramasynda oınaıdy. 2012 jyly Londonda ótken Olımpıadada Zýlfııa altyn medal jeńip aldy, biraq 2016 jyly sportshynyń qanynan tyıym salynǵan zat tabylǵanyna baılanysty marapaty qaıtaryp alyndy. Dopıng daýyna baılanysty Chınshanlo Rıo Olımpıadasyna qatysa almady.
Qazaqstannyń aýyr atletıka federasııasy oǵan da Toyota Camry markaly avtokóligin tabystaıtynyn aıtty.
Tórtinshi «qolany» Qazaqstan quramasynyń kapıtany Qamshybek Qońqabaev jeńip aldy.
Boksshy 29 jasta, Qyzylordada týǵan. Ol Álem chempıonatynyń eki dúrkin kúmis júldegeri (2017, 2019), Azııa chempıonatynyń úsh dúrkin kúmis júldegeri (2017, 2019, 2021), Álemdik áskerı oıyndardyń kúmis júldegeri (2015), álem áskerı qyzmetkerleri arasynda chempıon (2014), Bolgarııada ótken halyqaralyq týrnırdiń jeńimpazy (2015), Qazaqstan Respýblıkasy spartakıadasynyń chempıony (2015), áýesqoılar arasyndaǵy el chempıonatynyń chempıony jáne júldegeri.
Prezıdent Qasym-Jomart Toqaev Qazaqstan týyn Qońqabaevqa senip tapsyrdy.
«Tý - biz, olımpıadashylar, úshin qasıetti sımvol. Ony Tokıoda múmkindiginshe jıi kóterip turý úshin barlyǵyn jasaımyz, sonda bizdiń ánuranymyz oınalady», dep ýáde etti Qamshybek memleket basshysymen kezdesýde.
О́kinishke qaraı, el ánurany Japonııada shyrqalmady. Biraq qazaqstandyqtar júldeli orynnan kórine aldy. Solardyń biri Qońqabaev edi. Bul úshin Boks federasııasy oǵan 50 000 dollar syıaqy beredi. Jalpy, memlekettiń syıaqymen (75 myń dollar) birge boksshynyń esebinde 125 myń dollar bolady.
Kelesi medal da boksshyǵa tıesili. Sáken Bıbosynov О́zbekstanda týǵan, 13 jasynda Qazaqstanǵa kóship kelgen. Ol 2019 jylǵy álem chempıonatynyń qola júldegeri, Qazaqstannyń eńbek sińirgen sport sheberi.
Túrkistan áýejaıynda bir top kásipkerler Bıbosynovqa Toyota kóligin syılady. Qonaqtar arasynda Túrkistan oblysynyń ákimi О́mirzaq Shókeev te boldy.
Sonymen qatar, Bıbosynov boks federasııasynan 50 myń dollar alýǵa quqyly.
Erkin kúresshi Nurıslam Sanaev Qazaqstannyń altynshy júldegeri atandy.
Sportshy 1991 jyly Tývada dúnıege kelgen. Ol Qazaqstan quramasynda 2014 jyly oınaı bastady. Eki jyldan keıin ol ıslam dinin qabyldap, aty men tegin aýystyrdy (týǵan kezdegi aty - Artas Sanaa). Sanaev - 2018 jylǵy álem chempıonatynyń kúmis júldegeri, 2019 jylǵy álem chempıonatynyń qola júldegeri, Azııa chempıony.
Tokıodaǵy Olımpıada oıyndary Sanaev úshin birinshi oıyn emes. Aldyńǵy Olımpıadada balýan 12-orynǵa ǵana ıe boldy.
Nurıslam Sanaev 9 tamyzda Qazaqstanǵa oraldy. Almaty áýejaıynda oǵan BMW kilti tabystaldy.
Taǵy bir «qolany» Qazaqstannyń qorjynyna karateshi Darhan Asadilov saldy.
33 jastaǵy sportshy Shymkent qalasynyń týmasy. Ol aınalysatyn sport tórt jyl buryn Olımpıada baǵdarlamasyna endi, sondyqtan bul - Darhan úshin birinshi Olımpıada. Asadilov 60 kelige deıingi salmaq dárejesinde álemdik reıtıngte kósh bastap tur. Jankúıerler ony «altyn» alady dep kútken. «Qola» alǵannan keıin karateshi olardan keshirim surady.
Olımpıadanyń sońǵy kúninde karateshi Sofıa Berýlseva segizinshi «qolany» jeńip aldy.
Ol 2000 jyly Shymkent qalasynda dúnıege kelgen. Tokıoda el namysyn qorǵaǵan eń jas sportshylardyń biri. Sofııa Olımpıada medalin byltyr qaıtys bolǵan karateden Qazaqstan ulttyq quramasynyń burynǵy jattyqtyrýshysy Jastalap Sanaýovqa arnady.
Asadilov pen Berýlseva 9 tamyzda týǵan jerge oraldy. Jankúıerler olardy jyly qarsy aldy. Belgili bolǵandaı, demeýshiler karateshilerge eki jańa kólik syılady. Asadilovqa Toyota Camry avtokóliginiń kilti, Berýlsevaǵa Toyota RAV4 kilti tabystaldy.
