Sportshylar 16-17, 18-20 jas boıynsha synǵa tústi. Eki kúnge sozylǵan dúbirli dodada elorda sportshylary úsh altyn, úsh kúmis, eki qola júlde jeńip aldy.
Grepplıngten Nur-Sultan qalasynyń №7 balalar men jasóspirimderdiń mamandandyrylǵan sport mektebiniń jattyqtyrýshysy Toqtar Zarýbekov elordalyq sportshylardyń qarqynyn joǵary baǵalady.
«Bul álem chempıonatyna biz Túrkistan oblysynyń Shardara qalasynda ótken Qazaqstan chempıonatyndaǵy irikteýden keıin maýsym aıynan bastap daıyndaldyq. Chempıonatta ózimniń jeke oqýshylarym jáne ózge de jattyqtyrýshylardyń shákirtteri óner kórsetti. Meniń oıymsha, sportshylarymyz jospardy 200% oryndady. Nátıje keremet. Rýslanalı Muhamadıev Nu-Sultan qalasynan jasóspirimder arasynda alǵashqy álem chempıony atandy. Ol kadet retinde qosymsha anyqtama boıynsha jasóspirimder arasynda óner kórsetti. Sondaı-aq Alıhan Habıbýlla grepplıng jáne grepplıng gı bólimderindegi kadetter arasynda alǵashqy álem chempıony atandy. Básekelestik óte kúshti boldy. Negizgi qarsylastar daǵystandyqtar, dálirek aıtqanda Reseı men Fıllıpınder boldy», dedi jattyqtyrýshy.
