«Jalpy epıdemıologııalyq jaǵdaı turaqtalyp keledi. Vırýstyń reprodýktıvtilik ındeksi – 0,97. Aýrýhanalardaǵy oryn 53 jáne reanımasııalyq bólimderi 47 paıyzǵa júktelgen. Vaksınanyń birinshi komponentin saldyrǵandar sany 6,1 mln adamnan asty, ekinshi komponent 4,8 mln-nan astam adamǵa salyndy», dedi Úkimet basshysy.
Onyń atap ótýinshe, Túrkistan oblysy jáne Almaty men Shymkent qalalarynda vaksına salý qarqyny jaqsy. Al Mańǵystaý, Atyraý, Qostanaı jáne Batys Qazaqstan oblystarynda vaksına salý qarqynyn kúsheıtý kerek. Vaksına qoryn tolyqtyrý sharalary qabyldanyp jatyr.
«Oqý jylyna daıyndyq aıasynda muǵalimderge vaksına salýdy 25 tamyzǵa qaraı aıaqtap, oqý oryndarynyń daıyndyǵyn baqylaýdy kúsheıtý qajet», dedi Asqar Mamın.
