Jobany júzege asyrý úshin barlyq oblystar jáne mınıstrlikke qarasty mekemelerde orman ósirýdiń 5 jyldyq keshendi jospary bekitilgen. Ony ázirleý kezinde qoldanystaǵy pıtomnıkterdiń jáne kóshet ósirýdi júzege asyratyn uıymdardyń múmkindikterine taldaý jasalypty.
«Jınaqtalǵan derekter negizinde aǵashtar men butalardy otyrǵyzý kólemi boıynsha josparly kórsetkishter ázirlendi. Oblystarda otyrǵyzylatyn kóshetter jetkiliksiz bolsa, jumys istep turǵan tálimbaqtardy keńeıtý jáne ýaqytsha tálimbaqtar qurý kózdelgen. Sondaı-aq orman daqyldarynyń tuqymyn jınaý kórsetkishteri eskerildi», dep habarlady mınıstrlik.
Búgingi tańda Qazaqstanda orman daqyldarynyń kóshetterin kóbeıtý men ósirýdi júzege asyratyn 44 turaqty jáne 158 ýaqytsha tuqymbaq pen uıym jumys isteıdi. Qazirgi ýaqytta qaraǵaı, shyrsha, balqaraǵaı, qaıyń, shegirshin, sekseýil, úıeńki, shaǵan, emen jáne basqa da aǵash túrleriniń 1-3 jastaǵy kóshetteri bar. Jalpy mólsheri – 165,5 mln túp. Bul rette ózge elderden kóshetter satyp alý qarastyrylmaǵan.
Joba boıynsha shamamen 610 myń túp sekseýil, 555 myńnan asa qaraǵaı, 193 myńnan asa úıeńki, 132 myń shegirshin, 100 myńnan asa qaıyń jáne basqa da tuqymdar otyrǵyzý josparlanǵan.
«Egemen-aqparat»
