Aımaqtar • 19 Tamyz, 2021

Almaty oblysy Mańǵystaýǵa kómek retinde 40 vagon shóp jóneltti

86 ret kórsetildi

Almaty oblysynyń belsendileri Mańǵystaý oblysynyń fermerlerine gýmanıtarlyq kómek retinde 42 vagon shóp, 1 vagon mal jemin jóneltti, dep habarlaıdy Egemen.kz.

Sýret: Almaty oblysy ákiminiń baspasóz qyzmeti

Oblystyq aýyl sharýashylyǵy basqarmasynyń málimetinshe oblys belsendileriniń kúshimen «Qazaqstan temir joly» UK» AQ men «Jetisý» ÁKK tarapynan 32 vagon shóp pen 1 vagon mal jemi jınaqtalyp jiberildi. Sonymen qatar Panfılov aýdanynyń belsendileri de 10 vagon shóp qosymsha jóneltti.

Qazir óńirde mal azyǵyn daıyndaý isi qarqyndy júrip jatyr. Búgingi kúni 2321,6 myń tonna shóp nemese jospardyń 82,4%-i jınaldy, 331 myń tonna saban, 419,6 myń tonna pishendeme, 212,6 myń tonna mal jemi, jalpy kólemi 3,2 mln tonna mal azyǵy daıyndaldy. Bul jumystarǵa quramynda 1600-den astam adamy bar 295 shóp jınaıtyn brıgada jumyldyryldy. Sol sııaqty 1576 shóp shabatyn mashına, 1401 pishen jınaǵysh tehnıka jumys isteýde. Oblystaǵy erekshe qorǵalatyn tabıǵı jáne memlekettik orman qory aýmaqtarynyń 15,3 myń ga jerin shóp shabýǵa, 959 myń ga jerin jaıylym úshin sharýashylyqtar men turǵyndar paıdalanyp otyr.

Aýyl sharýashylyǵy basqarmasynyń málimetine súıensek, Almaty oblysynda mal azyǵy jetispeýshiligi oryn almaıdy dep boljanyp otyr. Jem-shóp daıyndaý isi jalǵasýda.

Atap ótsek, bıylǵy jyly óńirde aýyl sharýashylyǵy daqyldarynyń alqaby 3,7 myń gektarǵa ulǵaıyp, 972 myń gektardy qurap otyr. Qazirgi kezde 216,2 myń ga masaqty daqyldar jınaldy, 361,5 myń tonna astyq bastyryldy, astyqtyń ortasha shyǵymy – 16,7 s/ga.

Sońǵy jańalyqtar

Aqtaý ákimine sógis jarııalandy

Aımaqtar • Búgin, 18:45

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Uqsas jańalyqtar