«2021 jylǵy qyrkúıekten bastap pedagogterdi jumysqa qabyldaýdyń júıesi ózgeredi. Osyǵan qatysty pikirtalas kóp boldy. Biz sarapshylarmen talqylap bir sheshimge keldik. Jaqynda buıryqqa qol qoıyldy. Eger osyǵan deıin pedagogterdi mektep dırektory qabyldasa, qazir olar konkýrs arqyly elektrondy formatta ótedi. Naqty talaptar bar. Sol boıynsha mektep pen komıssııa pedagogterdi jumysqa qabyldaý týraly sheshim qabyldaıdy», dedi ol.
Mınıstr qyrkúıekten bastap bilim berý mekemeleriniń dırektorlaryn taǵaıyndaý júıesi de ózgeretinin aıtty.
«Bul balalar úıi men kolledjderge, mektepterge de qatysty. Bizde bir orynda 25-30 jyl isteıtin jetekshiler bar. Bul kóp jaǵdaıda tıimsiz bolady. Jańa taǵaıyndaý júıesi jetekshilerdiń jumys tıimdiligin arttyrady dep oılaımyz. Qyrkúıekten bastap bilim berý mekemeleriniń dırektorlaryna alǵash ret rotasııa engiziledi. Rotasııa mańyzdy qadam bolyp esepteledi. Buıryqqa qol qoıyldy. Ol qyrkúıekte óz kúshine enedi», dedi Ashat Aımaǵambetov.
