Qoǵam • 20 Tamyz, 2021

О́ńirlerdegi «ıdeolog» orynbasarlar kimder?

600 ret kórsetildi

Jolymyz túsip, Túrkistan oblysyn­daǵy Arystan bab kesenesine táý ete barǵan saıyn sol arada jerlengen kórnekti memleket qaıratkeri О́zbekáli Jánibekov marqumnyń qabiri basyna da baryp, duǵa baǵyshtaımyz. Keshegi Keńes zamanynda ulttyq mádenıetimiz ben ónerimizdi saqtap, órkendetýge eleýli eńbek sińirgen eren tulǵanyń rýhy aldynda elimizdiń ár túkpirinen kelgen azamattar taǵzym etip júredi eken. Ásirese О́zbekáli aǵamyz bir kezde oblystyq partııa komıtetiniń ıdeologııa jónindegi hatshysy bolǵan Torǵaı óńiri turǵyndarynyń oǵan degen qurmeti men súıispenshiligi erekshe kórinedi.

 Onyń ózindik sebebi de bar. 1970 jyly qurylǵan burynǵy Torǵaı oblysynyń ıdeologııa salasyna basshylyq jasaýǵa jiberilgen О́zbekáli aǵamyz qaımaǵy buzylmaǵan qazaqy óńir turǵyndarynyń ulttyq rýhyn kóterip, Arqalyq qalasynda pedagogıkalyq ınstıtýt, oblystyq fılarmonııa, qazaq mýzyka­lyq-drama teatry, «Sherter» folklorlyq ansambli, tarıhı-etnografııalyq mýzeı, Aman­­geldi Imanov mýzeıi sııaqty mańyzdy áleý­mettik-mádenı obektilerdi ashýǵa uıyt­qy bolǵan. О́ner ujymdary men daryndy jas­tarǵa barynsha qamqorlyq jasaǵan.

О́zbekáli aǵamyzdyń ómirbaıanyna úńilsek, ol Abaı atyndaǵy Qazaq pedagogıkalyq ıns­tıtýtyn 21 jasynda bitirip, eńbek jolyn aýyl mektebiniń muǵalimi bolyp bastaǵan eken. Úsh jyldan keıin aýdandyq komsomol komıtetine jumysqa shaqyrylǵan. Oblystyq komsomol komıtetiniń hatshysy, Qazaqstan komsomoly ortalyq komıtetiniń hatshysy, birinshi hatshysy bolyp saılanǵan. Osylaısha, óńirde – 9 jyl, ortalyqta da 9 jyl qyzmet atqaryp, ómirlik tájirıbesi ábden  tolysqan, 39 jasynda oblystyq partııa komıtetiniń ıdeologııa jónindegi hatshysy bolyp saılanǵan.

Al qazirgi óńirlerdegi «ıdeologtar» bolyp sanalatyn oblys ákimderiniń áleýmettik máseleler jónindegi orynbasarlary kimder? Olardyń arasynda  О́zbekáli aǵamyz sııaqty óńirdiń mádenı-rýhanı salasyndaǵy ózekti máselelerdi sheshýge bilek sybana atsalysyp, jaqsy aty shyǵyp júrgen saıası qyzmetshiler bar ma?

Oısha sholyp qarasaq, ázirge О́zbekáli aǵamyzdaı kesek tulǵa kózge túspeı turǵan sııaqty ma, qalaı?.. Tek óńirde de, ortalyqta da birneshe jyl jaýapty qyzmetter at­qaryp, qaıtadan oblys pen respýblıkalyq mańyz­daǵy qala ákiminiń «ıdeolog» orynbasary bolyp taǵaıyndalǵan birer azamattan úkili úmit kútýge bolatyn sııaqty. Al ózgeleri...

Osydan birer jyl Qostanaı oblysy ákiminiń burynǵy «ıdeolog» orynbasary qazaq tilinde jazylǵan mátindi durys oqı almaı, ábden «búldirgeni» áleýmettik jelilerde tarap ketip, uıatqa qalǵany bar. О́z ana tiline shyndap bet burmaǵan sheneýniktiń Keńes zamanynda qazaǵynyń qatary seldirep, ulttyq qundylyqtar umytylýǵa aınalǵan óńirde qordalanyp qalǵan ózekti máselelerdi sheshýge jan salyp, jarytqany da shamaly sııaqty. Máselen, oblystaǵy baıyrǵy jer-sý ataýlaryn qaıtarý isi tasbaqanyń júrisindeı baıaý júr­­gi­zilip jatqandyǵy sonyń aıǵaǵy bolsa kerek.

 Keıde óńirler ákimderiniń áleýmettik máseleler jónindegi orynbasarlary bolyp, ishki saıasat, bilim, densaýlyq saqtaý, jumyspen qamtý, mádenıet salalarynan habary shamaly,  kezdeısoq bireýler taǵaıyndalyp ketkendigi de belgili. Genderlik saıasattyń jóni osy eken dep, aýdan ákiminiń orynbasaryn oblystyq basqarmalar basshylarynyń bastarynan attatyp ótkizip, oblys ákiminiń orynbasary etip taǵaıyndaý da ushyrasyp qalady. «Pıarymdy» qatyryp, jumysymdy BAQ pen áleýmettik jelilerde jarqyrata kórsetý osynyń ǵana qolynan keler...» degen nıetpen tipti óńirlik buqaralyq aqparat quralyn basqaryp ta kórmegen qatardaǵy jýrnalıst pen baspasóz hatshysyn birden orynbasar laýazymyna taǵaıyndaǵan oblys ákimderi de bar. Tek ondaılardyń keıbireýiniń «kótere almaıtyn shoqpardy beline qystyrǵany» bilinip qalyp, abyroıy túsip jatqany bolmasa... Keı óńirde ishki saıasat, bilim, densaýlyq saqtaý salalaryna – bir orynbasar, mádenıet, sport, jastar saıasaty salalaryna  ekinshi orynbasar jetekshilik jasaıtyndyǵyn da bilip, «Munda qandaı qısyn bar?» degen oıǵa qaldyq.

Túıindeı aıtqanda, memlekettik qyzmet týraly qoldanystaǵy zańnamaǵa súıenip, óńirler ákimderiniń áleýmettik-mádenı salalarǵa jetekshilik jasaıtyn orynbasarlary laýazymynan úmitkerlerge joǵary biliktilik talaptaryn belgileý qajet sııaqty.

Sońǵy jańalyqtar

Elimizdiń 6 óńirinde joldar jabyldy

Oqıǵa • Búgin, 15:39

«Jasyl» aımaqta birde-bir óńir qalǵan joq

Koronavırýs • Búgin, 09:55

«Pfizer» vaksınasyn qansha adam saldyrdy

Koronavırýs • Búgin, 09:32

Uqsas jańalyqtar