Qoǵam • 20 Tamyz, 2021

«Álemdik beıbitshilikke qadam» kitaby

52 ret kórsetildi

Norvegııanyń Bike for Peace («Beıbitshilik jolyndaǵy velosıpedshiler») qozǵalysy «Álemdik beıbitshilikke qadam» kitabyn shyǵardy, dep habarlady Syrtqy ister mınıstrliginiń baspasóz qyzmeti.

Atalǵan qozǵalystyń negizin qalaýshy Týre Nerland atap ót­kendeı, bul basylym Bike for Peace-tiń 45 jyldyǵy men Semeı ıadrolyq polıgony jabylýynyń 30 jyldyǵyna arnalǵan. Kitap norveg tilinde shyqqan, aǵylshyn tilindegi basylymy ázirlenýde.

«Bul kitapta biz Qazaqstan týraly kóp aıtamyz, onyń ishinde 2011 jyly Pekın-Almaty-Más­keý-Bergen velosherýi de bar. Biz­diń sapar Semeı mańyndaǵy polıgonnan zardap shekkenderdi qoldaý uranymen ótti. Sol jyly biz arnaıy Astana-Semeı-Almaty sherýin de jasaǵan bolatynbyz. Bul qyzyqty jáne tanymdy áń­gi­­me ǵana emes, ol – kóptegen ke­re­­met fo­tosýretter de», dedi T.Ner­­­land kit­abymen tanystyrý kezinde.

Buǵan qosa, basylymda Qazaq­stannyń Olımpıada chempıony Vla­dımır Smırnov qatysqan ıadro­lyq qarýdy taratpaýdy qoldaý boıynsha Vashıngton-Nıý-Iork týry týraly da aıtylǵan.

«Qazaqstannyń úlgisi antı­ıadro­lyq qozǵalys pen búkil álem úshin óte mańyzdy. Sizdiń el ıadrolyq arsenalynyń bar­lyq birlikterin bólshektep tasta­dy. Bul úshin biz álemdi ıadro­­lyq qa­rýdan azat etý boıynsha bir­qa­tar mańyzdy bastamalar­dy usyn­ǵan Qazaqstannyń Tuńǵysh Pre­zıdenti Nursultan Nazar­baev­qa rızashylyǵymyzdy bildi­re­miz», dep atap ótti Bike for Peace kóshbasshysy.

Kitaptyń tusaýkeseri Norve­gııanyń ońtústik aımaqtaryndaǵy saıasatkerlerdiń, dıplo­mattar­dyń, qala ákimderi men qoǵam ókilderiniń qatysýymen Bike for Peace sherýi aıasynda ótti.

Arendal, Tvedestrand jáne Rısór qalalarynda ótken kezdesýler aıasynda ótken brı­fıng­­terdiń barysynda Qazaq­stan­nyń Norvegııadaǵy elshisi Er­kin Ahınjanov sóz sóıledi. Qazaq­standyq dıplomat 30 jyl bu­ryn táýelsiz Qazaqstannyń Tuń­ǵysh Prezıdenti – Elbasy Nur­sultan Nazarbaevtyń álem­degi tór­tinshi oryndaǵy ıadro­lyq arse­nal­dan bas tartý jáne Semeı ıadro­lyq polıgonyn jabý týraly she­shi­miniń tarıhı mańyzyna toqtaldy.

Kezdesýlerge qatysýshy­lar táýelsiz Qazaqstannyń sońǵy 30 jyldaǵy damýynyń basty belesterimen, qazirgi ýaqytta eli­mizde saıası, ekonomıkalyq jáne áleýmettik salada júr­gizi­lip jatqan reformalarmen tanysty.

Jýyrda norveg tilinde jaryq kórgen Abaı Qunanbaıulynyń qarasózderi men tańdamaly poezııasy sherý barysynda norvegter nazaryna usynylyp, olardyń asa qyzyǵýshylyǵyn týdyrdy.

Bike for Peace qozǵalysy 29 tamyzdaǵy Halyqaralyq ıadro­lyq synaqtarǵa qarsy is-qı­myl kúni aıasynda Bern-Jeneva ba­ǵyty boıynsha velosherý ót­kiz­bekshi.

Sońǵy jańalyqtar

Ábilhan kásipqoı boksqa aýysty ma?

Kásipqoı boks • Búgin, 12:39

7361 týrıst elge oraldy

Qoǵam • Búgin, 12:20

Rezervte qansha dáriger bar?

Koronavırýs • Búgin, 12:16

Qazposhta tarıfter qunyn tómendetti

Qazaqstan • Búgin, 11:55

Qor naryǵynda dollar taǵy arzandady

Ekonomıka • Búgin, 11:46

Elde shekteý sharalary kúsheıtildi

Koronavırýs • Búgin, 11:45

Qanat Islam reıtıngte tómendedi

Kásipqoı boks • Búgin, 10:30

«Sary» aımaqta jalǵyz-aq óńir qaldy

Koronavırýs • Búgin, 09:56

Jańa bapkerlerge úmit artamyz

Kúres • Búgin, 09:47

Uqsas jańalyqtar