Elimizdiń barlyq óńirindegi orta mektepten 20 586 oqýshy «Kásibı baǵdar» jobasy aıasynda 85 túrli trenıngten ótti. Olar «Tıimdi kommýnıkasııalar, sheshendik sheberlik», «Jobalyq oılaý», «Kásibı baǵdarlaý jáne mansaptyq traektorııany qurý», «Emosıonaldy ıntellekt», «Komandalyq jumys» syndy bes baǵytqa toptastyrylǵan.
Trenıngke qatysýshylar jobalyq menedjment, jobalardy basqarý, bıýdjet josparyn qurý negizderimen tanysyp, sheshendik óner boıynsha daǵdysyn jetildirdi. Sondaı-aq óz qabileti men maqsat-múddesin eskere otyryp, ýaqyt úrdisine sáıkes mamandyq tańdaýdy meńgerdi.
Jobanyń basty maqsaty – jastardyń qazirgi zamanda suranysqa ıe mamandyqtarǵa daǵdysy men beıimin arttyrý.
Jyl sońyna deıin orta mektepterdiń keminde 20 myń oqýshysyna psıhologııalyq dıagnostıka men testileý júrgizý josparlanǵan. Ol «EduNavigator» kásibı baǵdar berý platformasy bazasynda onlaın-rejımde ótedi.
Sonymen qatar, joba aıasynda ekonomıkadaǵy jetekshi sala mamandarymen jáne Qazaqstan men shetel ýnıversıtetteriniń túlekterimen onlaın-kezdesýler ótkizilip, mamandyq tańdaýǵa arnalǵan beınerolıkter ázirlendi.
Jobanyń negizgi seriktesteri: QR Prezıdenti «Bolashaq» Halyqaralyq stıpendııasy túlekteriniń qaýymdastyǵy, «BTS Education» jáne «International Academy of Emotional Intelligence» kompanııalary.
Esterińizge sala keteıik, «Kásibı baǵdar» jobasyn «Azamattyq jáne quqyqtyq bastamalardy damytý» Qoǵamdyq qory QR Aqparat jáne qoǵamdyq damý mınıstrligi men Azamattyq bastamalardy qoldaý ortalyǵynyń qoldaýymen júzege asyrady.
