16 tamyzda bıznes úshin, sonyń ishinde Ashyq jobasyna qatysýshylar úshin demalys kúni lokdaýn engizý jónindegi ýaǵdalastyqtardyń merzimi aıaqtaldy. UKP málimetinshe, jobada 111 myńnan asa bıznes sýbekti jumys isteıdi. Anyqtalǵan karantındi buzýshylar sany 46 myńǵa deıin artty. Jumys kúnderi «qyzyl» statýsy bar 2 myńnan asa kelýshi turaqty túrde anyqtalyp jatyr.
Vaksınalaý qarqyny boıynsha qyzmet kórsetý salasyndaǵy qyzmetkerlerdiń jartysynan kóbi birinshi komponentin saldyrdy – 55%-y egildi.
Úkimet otyrysynda densaýlyq saqtaý mınıstri Alekseı Soı Qazaqstandaǵy epıdemıologııalyq jaǵdaıdyń birtindep turaqtalǵanyn, 1 tamyzdan bastap respýblıkada koronavırýs ınfeksııanyń taralý ındeksi 14%-ǵa – 1,11-den 0,97-ge deıin tómendegenin málimdedi. Vedomstvo basshysy tyıym salýlarǵa qaramastan qazaqstandyqtar burynǵysynsha toı, eske alý jáne banketter uıymdastyratynyn atap ótti.
Sońǵy eki apta ishinde «Atameken» UKP alańynda bıznestiń, sanıtar dárigerlerdiń, Sıfrlyq damý, ınnovasııalar jáne aeroǵarysh ónerkásibi mınıstrligi mamandarynyń qatysýymen birqatar onlaın-konferensııa ótti. Ekonomıkanyń zardap shekken sektorlaryn baǵalaý úshin kásipkerlerden saýalnama alý bastaldy. «Ashyq kóshbasshylary» krıterıılerin qaıta qaraý boıynsha usynystar ázirlendi, jobadan aýtsaıderlerdi, chekın jasamaǵan jáne qatysý erejelerin buzatyn kásipkerlerdi alyp tastaý tetigi pysyqtaldy. Qyzmetkerlerdi vaksınalaýdy tekserý algorıtmi boıynsha bıznestiń pikiri jınaldy.
Kásipkerler «Atameken» UKP alańy arqyly Úkimket joldaǵan negizgi messedj (habarlama): kásibin adal júrigizip jatqan bıznes qoǵam, klıent jáne personal aldyndaǵy jaýapkerishilikti túsinip, qoldanystaǵy shekteýlerge jaýappen qaraýǵa daıyn. Osy rette kóleńkeden góri, ashyq jumys isteý tıimdirek bolýy tıis.
Jınalǵan usynystardy taldaý negizinde Ulttyq kásipkerler palatasy 2021 jyldyń 21 tamyzynan bastap:
- Ashyq jobasyna qatysýshylarǵa senbi kúnderi saǵat 22:00-ge deıin, joba lıderlerine (qyzyl aımaqta) saǵat 24:00-ge deıin jumys isteýge ruqsat etý;
- Qaraǵandy oblysy ákimdiginiń bastamasy boıynsha Qaraǵandy qalasynda «Covid-free» pılotyn iske qosý («jasyl» statýsy bar kelýshiler men personal úshin qoǵamdyq tamaqtaný oryndaryna saǵat 02.00-ge deıin jumys isteýge ruqsat berý);
- «Jasyl» statýsy bar qazaqstandyqtar úshin toı ótkizýge ruqsat etý (is-sharany aldyn ala tirkeý boıynsha jáne barlyq personal vaksınasııa saldyrǵan mekemede 100 adamǵa deıin).
UKP sheshim shyǵarǵan kezde barlyq aımaqta Ashyq boıynsha jumys isteıtin sýbektiler úshin Bas memlekettik sanıtar dárigerdiń biryńǵaı qaýlysyn basshylyqqa alýǵa shaqyrady. Ulttyq palata jaýapty bıznestiń Ashyq júıesi arqyly karantındi buzýshylardy anyqtaý jónindegi birlesken is-qımyldary men vaksınalaý naýqany syrqattanýshylyq boıynsha jaǵdaıdy turaqtandyrýǵa kómektesetinine senimdi. Kerisinshe, túrli tyıymdy engizý kásipkerlik sýbektilerin «basqa joldardy» izdeýge odan ári ıtermeleıdi. Bul ınfeksııanyń jańa yqtımal oshaqtaryn týdyrady.
Ulttyq palata «basqa joldardyń» áli de joıylmaǵanyn atap ótedi. О́kinishke qaraı, ishinara lokdaýn engizý arqyly pandemııamen kúresý áreketteri oń nátıje bermeı otyr.
