Qazirgi ýaqytta oblys aýmaǵynda qatty turmystyq qaldyqtardyń (QTQ) 130 orny, onyń ishinde qoldanystaǵy zańnamaǵa sáıkes keletin ruqsat etý qujattary bar 24 polıgon tirkelgen.
10 aýdanda birde-bir zańdastyrylǵan polıgon joq. Bul ruqsat etilmegen qoqys oryndarynyń qalyptasýyna ákep soǵady.
2021 jyly júrgizilgen jumys nátıjeleri boıynsha ǵaryshtan túsirilgen sýretter negizinde Aqmola oblysynda 624 ruqsat etilmegen qoqys orny anyqtaldy. Onyń ishinde 364-i joıyldy, bul paıyzdyq kórsetkishpen eseptegende - 58%.
Budan bólek oblysta óndiristik jáne turmystyq qaldyqtardy suryptaý jáne qaıta óńdeý jónindegi ınfraqurylym nashar damyǵan.
Bul óńirdegi qatty turmystyq qaldyqtardy jekelep jınaýmen aınalysatyn 4 kásiporyn bar. Aqmola oblysy boıynsha 2020 jyly QTQ qalyptasý kólemi 243 myń tonnany qurady, 2021 jyldyń 6 aıynda 124 tyń tonnasy jınaldy. Bul rette qaıta óńdeý úlesi bar bolǵany 3%-dy quraıdy.
