Rızamyz saǵan, Rýhııa! Jas ánshige jerlesteri kólik mingizdi

– Qazaqstan Táýelsizdiginiń 30 jyly ishinde otandastarymyz osy halyqaralyq kórkemónerpazdar festı­valinde 3 ret Gran-Prı ıege­ri atanypty. Úshinshisin men uttym. Elim úshin mereıli jyly óne­rim­di kórsetip, jeńiske jet­ke­nim keýdeme maqtanysh sezimin uıa­latady. Maǵan sahnada óner kór­se­tip úırengen tájirıbem kóp kó­mektesti. О́ıtkeni elde júr­gen­de «Taldyqorǵan áýenderi» an­sambliniń quramynda sahnada óner kórsettim. Bul boıymdaǵy qo­bal­­jýdy jeńýge septigin tıgizdi. Tal­dy­qorǵandyqtardyń maǵan degen senimi kúsh berip, jeńis tu­ǵy­ryna kóterdi. Sol sebepti je­ńimpazǵa berilgen statýetkany oblys basshysy Amandyq Ǵab­bas­ulyna tabys etkim keledi, – dedi kezdesýde jas ánshi Rýhııa Baı­dú­ke­nova.

Al óz kezeginde aımaq ákimi bo­­­ıyndaǵy talant pen eń­bek­qor­ly­­ǵynyń arqasynda Qazaqstandy ha­lyqaralyq arenada tanytqan daryndy jerlesine atalyq aq tilegin arnap, batasyn berdi.

– Osy baıqaýda jeńimpaz atan­dy degendi estigende qatty qýan­dym. Bul – úlken jetistik. Qazaqstandy álemdik deńgeıge tanyta bildiń. Boıyńdaǵy talantyńa sóz joq. Biraq eńbek pen alǵa degen umtylys seni jeńis tuǵyry­na kóterdi. Baıqaý aldynda kezdes­ke­nimizde ózińe shyn kóńilden sát­tilik tilep edim. Tilegimniń oryn­dalǵanyna qýanyp otyrmyn. Esim­de­ri tarıhta altyn áriptermen ja­zylǵan Roza Baǵlanova, Bıbigúl Tólegenova, Álibek Dinishev esimdi uly talant ıeleri sııaqty bıik belesterden kórine ber. О́zińniń erekshe tabıǵı daýysyń arqyly kóptiń júregin jaýlap, shyńdardy baǵyndyrǵaısyń. Bul seniń qo­lyń­nan keletinine senimdimin. Bo­ıyń­daǵy umtylys pen bolashaqqa qoıǵan maqsatyń aıqyn. Onyń ústine talantty, eńbekqor jassyń. Biz shyn kóńilimizden seniń jetken jetistigińe qýanamyz. Maqtan etip qana qoımaı, sáttilik serik bolatynyna senemiz. Al jeńis pen jetistiktik belgisindeı bolǵan bul statýetkany M.Tynyshpaev atyn­da­ǵy oblystyq tarıhı-ólke­ta­ný murajaıyna saqtaýǵa tapsyramyn, – dedi óz sózinde Amandyq Batalov.

Osy kezdesýde Rýhııanyń al­ǵashqy ustazy Serikjamal Áji­be­kova da sóz alyp, talantty shá­kir­ti­ne degen tebirenisin tolqı otyryp jetkizdi.

– Áriptesterim maǵan zeınet­ker­lik­ke shyqqan soń da jumy­sym­dy ári qaraı jalǵastyrýdy usyndy. О́ner mektebinde talantty shákirtterdi jınap, arnaıy synyp ashyp berdi. Sol talanttylardyń ishinde Rýhııa da boldy. Ol eńbekqorlyǵymen jáne yntasymen erekshelendi. Tań atysynan keshtiń batysyna deıin sabaqqa berilip otyratyn. Onyń osy qasıeti halyqaralyq konkýrsta jeńimpaz atanýyna serpin boldy. Men onyń jetistigin ári ustazy bolǵanymdy maqtan tutamyn, – dedi ustaz.

Al ánshi qyzben birge Jetisý jurtynyń qýanyshyn bólisýge kelgen belgili telejúrgizýshi Qymbat Dosjan Rýhııanyń halyqaralyq baıqaýǵa qatysý úshin úlken táýe­kelge barǵanyn tilge tıek etti.

– Rýhııa konkýrsqa qatysatyn ýaqytta onyń qolynda ushaqtyń bıleti ǵana boldy. Osy sátte oblys tarapynan kórsetilgen kómek pen qoldaý onyń erik-jigerin nyǵaıtty. Jerlesteriniń qoldaýy onyń kúshine aınalyp, jeńiske jeteledi. Osylaısha, Almaty oblysynda mádenıet salasyna kóp kóńil bólinip jatqandyǵy dáleldendi, – deıdi Qymbat Dosjan.

Resmı kezdesýden keıin jeńim­paz ánshi Rýhııa Baıdúkenova jer­les­terimen júzdesti. Ánshi qyz­ǵa Taldyqorǵan qalasynyń mesenattary men kásipkerleri Hyundai markaly avtokóligin syıǵa tartty. Sondaı-aq Rýhııanyń ustazy Serikjamal Ájibekova men qol­daý­shysy Qymbat Dosjanǵa 1 mln teńgeniń sertıfıkatyn tabystady.

Osylaısha taldyqorǵandyqtar talantty jastyń ónerine degen súıispenshiligin bildirdi.

Almaty oblysy