Oblysta áleýmettik kómek nemese memlekettik sýbsıdııa alý syltaýymen azamattardy aldaýdyń 6 faktisi, bireýdiń atyna nesıe berýdiń 2 faktisi, «aqsha aınaldyrý» arqyly kiristi ulǵaıtýdyń 1 faktisi jáne basqalary tirkeldi. Jábirlenýshilerge keltirilgen zalaldyń jalpy somasy shamamen toǵyz mıllıon teńgeni qurady.
Túrkistan qalalyq PB kezekshi bólimine jábirlenýshi habarlasyp, bankterdiń birinde belgisiz bireýler onyń atyna iri somaǵa nesıe rásimdegenin habarlady.
Jedel-izdestirý sharalary barysynda polıseıler kúdikti retinde banktiń burynǵy qyzmetkerin ustady. Jas jigit áıeldiń senimine kirip, aldaý jolymen klıenttiń atyna 2 mıllıon teńgeden astam somaǵa nesıe resimdegeni anyqtaldy. Tergeý sharalary barysynda bul alaıaqtyń qolynan taǵy bir qala turǵyny zardap shekkeni anyqtaldy, ol onyń atyna 3 mıllıon teńge nesıe alǵan.
Qazirgi ýaqytta atalǵan faktiler boıynsha QR QK 190-baby «Alaıaqtyq» boıynsha sotqa deıingi tergeý júrgizilýde. Er adam qamaýda. Tergeý kúdiktiniń taǵy birneshe alaıaqtyq faktilerine qatysy bolýy múmkin ekenin joqqa shyǵarmaıdy.
