Kezdesý aıasynda jedel aqparat almasý jáne biryńǵaı karantındik fıtosanıtarııalyq talaptardy saqtaý maqsatynda Qazaqstandyq biryńǵaı avtomattandyrylǵan basqarý aqparattyq júıesi EASÝ AJ men Reseılik «Argýs-Fıto» Federaldyq memlekettik aqparattyq júıesi aralaryndaǵy ıntegrasııalaý jumystaryn júrgizý jospary bekitildi
Sondaı-aq «Respýblıkalyq ósimdikter karantıni ortalyǵy» RMM men «Búkilreseılik ósimdikter karantıni ortalyǵy» FMBM arasynda zerthanaaralyq salystyrý synaqtaryn júrgizý, karantındik obektilerdi sáıkestendirýdiń ozyq ádisterin qoldaný salasyndaǵy eki eldiń zerthanalary arasyndaǵy yntymaqtastyqty tereńdetý boıynsha kelisimge qol jetkizildi.
Mınıstrlik «Qaztomat» JShS jylyjaı kesheniniń aýmaǵynan qyzanaq eksportyn qaıta jańdandyrý máselesin kóterdi, Rosselhoznadzor ókilderi bul máseleni jedel qaraýǵa jáne qabyldanǵan sheshim týraly vedomstvoǵa habarlaýǵa daıyn ekendikterin bildirdi.
Eki jaq ókilderi ósimdik tekti ónimderdiń GMO-ǵa qoıylatyn zańnamalyq talaptary týraly aqparat almasyp, osy baǵyt boıynsha baqylaýdy ózara kúsheıtý qajettiligi týraly sheshimge keldi.
«Astyq qaýipsizdigi týraly» KO TR 015/2011 tehnıkalyq reglamenti talaptarynyń saqtalýyn, onyń ishinde astyqty ózdiginen deklarasııalaýdy, ony deklarasııalaý kezinde zerthanalyq zertteýler júrgizýdiń tolyqtyǵyn baqylaýdy kúsheıtý jáne fıtosanıtarııalyq sertıfıkattarsyz karantınge jatqyzylǵan joǵary fıtosanıtarııalyq táýekel ónimderiniń aınalysyna jol bermeý boıynsha kelisildi.
EAEO deńgeıinde odaqtyń kedendik aýmaǵyndaǵy pestısıdterdiń aınalymy máselelerin retteıtin «Pestısıdterdiń qaýipsizdigi týraly» biryńǵaı tehnıkalyq reglamentti ázirleý máselesine birlesip bastamashylyq etý týraly ýaǵdalastyqqa qol jetkizildi.
