Joldaý talaptaryna saı órken jaımaq
Oral qalasynda Elbasy Joldaýyn talqylaýǵa baılanysty ótkizilgen aktıvte Batys Qazaqstan oblysynyń ákimi Nurlan Noǵaev bıylǵy Joldaýdyń basty erekshelikterin shegelep aıtyp berdi.
Joldaý talaptaryna saı órken jaımaq
Oral qalasynda Elbasy Joldaýyn talqylaýǵa baılanysty ótkizilgen aktıvte Batys Qazaqstan oblysynyń ákimi Nurlan Noǵaev bıylǵy Joldaýdyń basty erekshelikterin shegelep aıtyp berdi.
Bul – eńsesi bıik el bola bilýdiń adastyrmaıtyn kompasy. Táýelsizdigimizdi odan ári tuǵyrlandyra túsýdiń taptyrmaıtyn taktıkasy. Munda óńirlerdi odan ári órkendetý men damytý joldary da taıǵa tańba basqandaı aıqyn kórsetilgen. Joldaý – iske basshylyq jasaýdyń ómirsheń ónegesi, dep tujyrym jasady oblys basshysy.
El Prezıdenti N.Á.Nazarbaev bıylǵy jyldyń basty qujatynda aldaǵy ýaqytta atqarylatyn birqatar basym baǵyttardy atap kórsetti. Dál osy baǵyttar óńirlerdi órkendetip, aımaqtardy ajarlandyrýǵa da qýatty serpin bermek. Osy erekshelikti óz baıandamasynyń negizgi tini men qazyǵy etip alǵan óńir jetekshisi atalǵan baǵyttardy oblystyń qazirgi áleýmettik-ekonomıkalyq tynys-tirshiligimen baılanystyra baıandap berdi.
Elbasy ataǵan birinshi baǵyt – ınnovasııalyq ındýstrııalandyrý trendi. Bir sózben aıtqanda, ilkimdi de ıkemdi ınnovasııalyq saıasat. Bul turǵyda jańa jumys oryndaryn ashýdyń mańyzy joǵary. Oral óńirinde sońǵy kezde trendi tabıǵatyna tán myńnan astam jumys ornynyń ashylýy úlken isterdiń tek basy ǵana deýge bolady. Eń bastysy, munda isti jan-jaqty júrgizýge barlyq jaǵdaılar men múmkindikter bar.
Sondaı-aq, agroónerkásip keshenin ınnovasııalyq baǵytqa túsirý mindeti de Joldaýda naqty qoıylǵan. Agrarlyq sektordaǵy istiń nátıjesi kóp jaǵdaılarda aýa raıyna táýeldi bolatyny jasyryn emes. Oblys ákimi N.Noǵaev mundaı kórinister Aqjaıyq aımaǵynda da kezdesip qalatynyn jasyrǵan joq. Osy máselege qatysty Prezıdent qoıǵan jańa mindetter men talaptar sala tıimdiligin kóterýdi mindetteıdi, dedi ol.
Elbasy óz Joldaýynda Qazaqstan et jáne sút ónimderin eksporttaıtyn óńirlik iri elge aınalýy kerektigin málimdedi. Buǵan eń birinshiden el óńirleri súbeli úles qosýǵa tıis. Mundaı mindetten Aqjaıyq aımaǵy da tys qala almaıdy. Aktıvte osyǵan oraı oblysta et eksporty áleýetin kóterý, marqa qozy etin óndiretin keshen jobasyn jedeldetý jóninde naqty usynystar men oı-pikirler aıtyldy.
Joldaýda qoıylǵan basym baǵyttardyń biri ınfraqurylymdyq úshtaǵan – aglomerasııanyń, kóliktiń jáne energetıkanyń qarqyndy damýyn qamtamasyz etý bolyp otyr. Ony júzege asyrý isine batys qaqpanyń qosatyn úlesi qomaqty. Jalpy, munda keńestik kezeńdi aıtpaǵanda, táýelsizdik jyldarynyń ózinde ózge óńirlermen salystyrǵanda jol-kólik ınfraqurylymy ájeptáýir keıin qalyp qoıdy. Buǵan Elbasynyń jańa Joldaýy sony serpilis beretinin málimdegen N.Noǵaev óńirde Samara – Oral – Aqtóbe tas joly salynatynyn, oblys ortalyǵyn shalǵaıdaǵy ońtústik aýdandarmen jalǵastyratyn ınfraqurylymdyq júıe odan ári keńeıetinin aıtyp berdi.
Sondaı-aq, Joldaýda Elbasy tarapynan úsh aýysymmen oqıtyn mektepter men apatty jaǵdaıdaǵy bilim ǵımarattaryn joıý talaby qoıylǵany málim. Buǵan baılanysty baıandamashy: oblysta úsh aýysymdaǵy mektep joq. Biraq bul jaǵymdy faktordyń ózi bizdiń bosbelbeýlikke salynýymyzǵa sebep emes. О́ıtkeni, ishki kóshi-qon men ýrbanızasııa úrdisi, aýyl turǵyndarynyń qalaǵa kóbirek qonystana bastaýyna alyp kelýde. Bala týý kórsetkishiniń ósýi beıqamdyqqa jol bergizbeıdi. Eki aýysymdaǵy mektepterdiń tarlyq ete bastaýy, ásirese, Oral qalasy mańyndaǵy Zashaǵan, Derkúl kentteri aýmaǵynda baıqalyp qalyp júr, dep atap ótti N.Noǵaev.
Oblys basshysy óz sózin qorytyndylaı kele, «Máńgilik El» bolýdyń basty kilti – táýelsizdikti saqtap qalý ekenin aıtyp, osy uly iske batysqazaqstandyqtardy da belsene qatysýǵa shaqyrdy. Budan soń aktıv jınalysyna qatysýshylar Prezıdent N.Á.Nazarbaevtyń «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýyna qatysty óz oı-pikirlerin ortaǵa saldy.
Temir QUSAIYN,
«Egemen Qazaqstan».
Batys Qazaqstan oblysy.
