Erler arasyndaǵy 100 metrge brass ádisimen júzý boıynsha jarysqan otandasymyz áýeli irikteý básekesine qatysyp, eki top boıynsha júzgen sportshylardyń arasynda úzdik nátıje kórsetip, fınalǵa joldama alǵan bolatyn. Sonymen qatar jalpy esepte segizinshi orynǵa taban tiregen taǵy bir jerlesimiz Nuralı Sovetqanov ta fınalǵa shyqqanedi. Biraq fınaldyq básekede N.Sovetqanov júldeli orynǵa ilige almady.
Fınalǵa joldama alǵan eń úzdik 8 sportshynyń qatarynda óner kórsetken Nurdáýlet Jumaǵalı altyn júlde úshin bolǵan básekede 100 metr qashyqtyqty 1.05,20 ýaqyt kórsetkishimen júzip ótip, qola júldege qol jetkizdi. Bul saıysta germanııalyq Talıso Engel jeńimpaz atansa, amerıkalyq Devıd Abrahams kúmiske ıelik etti.
Osylaısha, qazaqstandyq paralımpıadashylar Tokıoda besinshi júldesin jeńip aldy. Buǵan deıin paýerlıftıngten Davıd Degtıarev altyn alsa, para dzıýdodan Ánýar Sarıev, Dáýlet Temirjan jáne Zarına Baıbatına kúmis medal ıelengen edi. Aıta keteıik, osy qola júldeniń arqasynda Qazaqstan quramasy Paralımpıada tarıhynda tuńǵysh ret tolyq medal jıyntyǵyn jeńip aldy.
