Bul týraly Polisia.kz málimdedi.
2021 jyldyń shilde aıynda Almaty qalasynda Mańǵystaý oblysy Polısııa departamentiniń qyzmetkerleri Almaty qalasy Polısııa departamentiniń qyzmetkerlerimen birge 2006 jyldan beri asa iri mólsherde esirtki satqan degen kúdikpen izdeýde júrgen 42 jastaǵy er adamdy ustady.
2004 jyldyń 12 shildesi kúni joǵaryda atalǵan adam aldyn ala kelisim boıynsha «K» esimdi azamatqa 30 keliden astam «marıhýana» satqan.
Tintý júrgizý kezinde kúdiktiniń ýchaskesinen jalpy salmaǵy 74 keliden asatyn jeti qap jáne bir polıetılen «marıhýana» paketi tárkilengen. Al kúdikti adam qylmys jasalǵan jerden belgisiz baǵytqa qashyp ketken.
Polısııa qyzmetkerleri alǵashqy izdestirý sharalaryn júrgizdi, sodan keıin kúdiktige izdeý jarııalandy.
Qazirgi ýaqytta kúdikti ýaqytsha ustaý ızolıatoryna qamaldy. QR QK 297-babynyń 4-bóligi boıynsha sotqa deıingi tergeý júrgizilýde.
«Polısııa qyzmetkerleri kúdiktini anyqtaý boıynsha muqııat jáne tyńǵylyqty jumystar júrgizdi. Nátıjesinde 15 jyldan keıin qylmysker quryqtalyp, qylmystyq is qozǵaldy», dedi PD bastyǵy Janarbek Baqtybaev.
