Onlaın baspasóz konferensııasyna Jastar jáne otbasy isteri komıtetiniń tóraǵasy Shahmardan Baımanov, «Jas Ulan» biryńǵaı balalar men jasóspirimder uıymynyń basshysy Dınara Sádýaqasova, óńirlik jastar uıymdarynyń ókilderi men sarapshylar qatysty.
Spıkerler BAQ pen sarapshylardy ınternet-táýeldiliktiń jáne jastar men balalar arasyndaǵy qumar oıyndardyń aldyn alý salasyndaǵy halyqaralyq zańnamany taldaý boıynsha júrgizilip jatqan jumystar; kıberbýllıngti, onlaın-táýeldilikti jáne qumar oıyndarǵa táýeldilikti anyqtaý maqsatynda fokýs-toptardyń kezdesýleri, kıberbýllıng faktilerin anyqtaý, qumar oıyndardy nasıhattaý úshin árbir óńir boıynsha qurylǵan Telegram-arnalardyń jumysy týraly habardar etti. Jobany iske asyrý kezeńinde 17 óńirden 1 myńnan astam jas ınternet-táýeldiliktiń, kıberbýllıngtiń jáne qumar oıyndarǵa táýeldiliktiń aldyn alý boıynsha oqýdan ótti.
Joba qorytyndysy boıynsha jastar men balalar arasynda Internetke táýeldiliktiń, qumar oıyndar men kıberbýllıngtiń aldyn alý boıynsha, onyń ishinde osy saladaǵy qazaqstandyq zańnamany jetildirý boıynsha naqty usynymdar ázirleı otyryp, taldamalyq baıandama daıyndaý josparlanýda. Sonymen qatar joba jańalyqtaryn «Jas Ulan» uıymynyń Facebook – ReStart jáne Instagram – restart_social áleýmettik jelilerindegi paraqshalarynan bilýge bolady. Joba Jastardy qoldaýdyń 2021-2025 jyldarǵa arnalǵan keshendi jospary aıasynda «Azamattyq bastamalardy qoldaý ortalyǵy» KeAQ qoldaýymen júzege asyrylýda.
«Egemen-aqparat»
