«Úkimettiń tapsyrmasy boıynsha, delta shtamymen jumys vırýs Qazaqstan Respýblıkasynyń aýmaǵyna engen kezde bastaldy. Klınıkaǵa deıingi zertteýler tolyǵymen janýarlarǵa jasaldy. Al bizdiń vaksınadaǵy shtamm quramyn aýystyrý janýarlarda joǵary nátıje kórsetti. Búginnen bastap ony Densaýlyq saqtaý mınıstrligine jiberdik. Biz vaksınanyń kelesi partııasynyń shtamdyq quramyn aýystyrý úshin olarmen tyǵyz jumys isteımiz. Densaýlyq saqtaý mınıstrligi bul qıyn jaǵdaıdy túsinip, buryn-sońdy bolmaǵan qadamǵa bardy - DDSU-men keńespeı, tumaýǵa qarsy vaksına tájirıbesine súıene otyryp, jaqyn kúnderi delta shtamynyń quramyn aýystyrýǵa resmı ruqsat beredi. Biz Ýhan shtamyn delta shtamyna aýystyramyz», dedi K.Zakarııa.
Onyń aıtýynsha, osydan eki aı buryn shtamm quramyn aýystyrý júrgizilip, janýarlarǵa synaqtar júrgizilgen. Klınıkaǵa deıingi zertteýlerden keıin ǵalymdar shtamm quramy ózgertilgen vaksınany synaý úshin ózderine saldyrǵan.
K.Zakarııanyń aıtýynsha, modıfıkasııalanǵan shtamdyq quramy bar vaksına jaqsy nátıje kórsetken jáne onyń óndirisi jaqyn arada bastalady.
