Kezdesý Qazaqstannyń Brazılııadaǵy Elshisi Bolat Núsipov jáne Brazılııanyń Qazaqstandaǵy Elshisi Rýbem Antonıo Korrea Barbospen onlaın formatta uıymdastyryldy.
Taraptar ózara yntymaqtastyqtyń birqatar baǵytyn belgiledi. Onyń ishinde eki el arasyndaǵy saýda men ınvestısııalardy damytýdyń basym máseleleri men perspektıvalaryn aıqyndaý úshin ár eldiń jeke sektorymen konsýltasııalar ótkizý, bıznes ókilderiniń birlesken kezdesýlerin uıymdastyrý, kásipkerliktiń quqyqtyq jaǵdaıy týraly aqparat almasý jáne t.b.
Kezdesý barysynda B.Bekenov QazIndustry AQ-nyń CNI-men yntymaqtastyǵy eki el kásipkerleri arasyndaǵy tikeleı iskerlik baılanystardy keńeıtý, birlesken kásiporyndardy ulǵaıtý, elder arasyndaǵy taýar aınalymyn arttyrý túrinde naqty nátıjeler berip, Qazaqstan men Brazılııa arasyndaǵy ekijaqty qatynastardyń damýyna serpin beretinin atap ótti.
Aldaǵy qarasha aıynda Qazaqstan men Brazılııa arasyndaǵy iskerlik keńestiń birinshi otyrysy ótedi.
Qazaqstan men Brazılııanyń jalpy taýar aınalymy 2021 jyldyń alǵashqy 6 aıynda ótken jyldyń sáıkes kezeńimen salystyrǵanda 4 ese ósti. Sonymen qatar sońǵy 5 jylda Qazaqstannyń Brazılııaǵa eksporty aıtarlyqtaı artty. 2016 jyldan bastap 2020 jylǵa deıin 100%-ǵa deıin ulǵaıdy (25 mln dollar). Brazılııa naryǵyna kúkirt, ferroqorytpa, qara metall buıymdary eksporttaldy. Brazılııa Qazaqstanǵa jerjańǵaq, tamaq ónimderi, amın qosylystary, qubyrlar, qozǵaltqyshtar jáne t.b. taýarlaryn ákeledi.
Aıta ketelik, Brazılııa ulttyq ónerkásip konfederasııasy – Brazılııa ındýstrııasynyń ókili bolyp tabylatyn resmı jáne joǵary deńgeıli uıym. CNI Brazılııanyń 27 federaldy ónerkásip federasııasyn jáne 1 245 salalyq jumys berýshiler kásipodaǵyn usynady, oǵan 700 myńǵa jýyq kompanııa kiredi. Qurylǵannan beri CNI Brazılııa qoǵamynda jetekshi ról atqardy, negizgi ulttyq máselelerdi, ásirese Brazılııa ónerkásibi men ekonomıkasynyń tıimdiligine áser etetin máselelerdi talqylaýǵa jáne konsensýsqa qol jetkizýge yqpal etti. Sonymen qatar CNI ulttyq ónerkásipti zertteýdi, ınnovasııany jáne tehnologııalyq damýdy alǵa tartady. Sonymen qatar búkil el boıynsha qyzmetkerlerdiń jaǵdaıyn, áleýmettik mártebesin jáne daıyndyǵyn jaqsartýǵa baǵyttalǵan bastamalardy qoldaıdy.
«Egemen-aqparat»
