Atalmysh basqarmanyń baspasóz qyzmetiniń málimetinshe, vedomstvonyń jańa basshysyn ujymǵa oblys ákiminiń orynbasary Málgajdar Tátkeev tanystyrdy, ol onyń memlekettik basqarý salasyndaǵy úlken kásibı tájirıbesin atap ótti.
«Qazirgi ýaqytta basqarma aldynda jylytý maýsymyna daıyndyqty ýaqtyly aıaqtaý jáne Elorda mańyndaǵy óńirlerdiń turǵyndaryn gazdandyrýdy qamtamasyz etý, sonymen qatar energetıka jáne turǵyn úı-kommýnaldyq sharýashylyǵy salasyndaǵy basqa da mańyzdy jobalardy júzege asyrý máselesi tur», dep atap ótti M.Tátkeev.
Danııar Qýanyshbaev 1985 jyly 15 qańtarda burynǵy Kókshetaý oblysy Rýzaev aýdany Gavrılovka aýylynda dúnıege kelgen. Joǵary ekonomıkalyq bilimi bar.
2006 jyly Abaı Myrzahmetov atyndaǵy ýnıversıtetti, keıin Sh.Ýálıhanov atyndaǵy KMÝ-di «qurylys» mamandyǵy boıynsha támámdap, tehnıka jáne tehnologııalar bakalavry dárejesin aldy.
Eńbek jolyn Aqmola oblysy ekonomıka jáne bıýdjettik josparlaý departamentiniń jetekshi mamany bolyp bastaǵan.
2008 jyly bas maman bolyp aýystyryldy, al 2011 jyly naqty sektordy damytý bóliminiń bastyǵy bolyp taǵaıyndaldy.
2013 jyldyń jeltoqsan aıynan bastap Aqmola oblysynyń energetıka jáne turǵyn úı-kommýnaldyq sharýashylyq basqarmasynyń ekonomıka jáne býhgalterlik esep bóliminiń basshysy boldy.
2015 jyldyń sáýir aıynan bastap 2018 jylǵa deıin osy basqarma basshysynyń orynbasary qyzmetin atqardy.
2018 jylǵy 23 shildeden bastap Aqmola oblysynyń ekonomıka jáne bıýdjettik josparlaý basqarmasy basshysynyń orynbasary boldy.
