«Qazir sanaqtan ótkender sany boıynsha eki megapolıs, ıaǵnı Almaty men Nur-Sultan qalalary alda. Al Soltústik Qazaqstan jáne Atyraý oblystary bul kórsetkish boıynsha sońǵy orynda», dedi bıýro basshysy.
Qazirgi ýaqytta respondentterge sanaqtan onlaın rejımde ótý úshin birneshe platforma qarastyrylǵan: sanaq.gov.kz saıty, E-Gov portalynda tirkelý jáne Aitu mobıldi qosymshasy. Azamattardyń yńǵaılylyǵy úshin sanaq buryshtary uıymdastyryldy.
«Aýmaqtyq statıstıka departamentterinde, Halyqqa qyzmet kórsetý ortalyqtarynda, Kazpochta fılıaldary jáne iri saýda ortalyqtarynda sanaq buryshy qarastyrylǵan. Ol jerde respondentterge sanaqtan onlaın rejımde ótýge bizdiń konsýltanttar kómek berýde», dep atap ótti bıýro basshysy.
Ulttyq statıstıka bıýrosy azamattardy onlaın sanaqtan ótýge shaqyrdy: sanaq.gov.kz saıty 15 qazanǵa deıin táýlik boıy qoljetimdi bolmaq. Onlaın sanaqtan ótpegender 1-30 qazan aralyǵynda ıntervıýerlerdiń saýaldaryna jaýap bere alady.
