Koronavırýs • 13 Qyrkúıek, 2021

Koronavırýstyń tórtinshi tolqyny áli aıaqtalǵan joq

32 ret kórsetildi

О́ńirlik kommýnıkasııalar qyzmetiniń brıfınginde QazUMÝ medısınalyq-sanıtarlyq alǵashqy kómek bóliminiń meńgerýshisi, PhD fılosofııa doktory Dınara Mahanbetqulova vaksınanyń adam ımmýnıtetine jáne koronavırýstan qorǵaýǵa oń áseri týraly pikirimen bólisti, dep habarlaıdy Egemen.kz.

D.Mahanbetqulovanyń aıtýynsha, vaksınalar koronavırýstyń barlyq aınalymdaǵy shtamdarynan qorǵaıdy. Dáriger vaksınalar shtamdardyń óte keń spektrinen qorǵaı alatyndaı etip jasalǵanyn aıtty. Vaksınasııadan keıin organızm aýrýǵa shaldyqqannan góri vırýsqa tózimdi ımmýnıtetti damytady.

«Qalada koronavırýstyq ınfeksııanyń tómendeýi aqpan aıynda bastalǵan vaksınasııa naýqanynyń bastalýymen baılanysty dep sanaımyn. Tórtinshi tolqyn áli aıaqtalǵan joq ekenin túsiný kerek. Epıdemıologııalyq jaǵdaı ujymdyq ımmýnıtet qalyptasqanǵa deıin jaqsarmaıdy», deıdi D.Mahanbetqulova.

Dárigerdiń aıtýynsha, aýrýdan keıin paıda bolǵan tabıǵı ımmýnıtettiń kúshi barlyq adamdarda ár túrli. Tabıǵı ımmýnıtet uzaqqa sozylmaýy múmkin. Vaksınasııa arqyly ımmýnıtetti qalyptastyrý onyń tabıǵı qalyptasýyna qaraǵanda az qaýip tóndiredi, óıtkeni COVID-19 juqtyrǵan jaǵdaıda belgilerdiń aýyrlyǵyn boljaý múmkin emes.

«Immýnıteti tómen adamdar jas tobyna qaramastan aýrýǵa beıim. Sondyqtan sozylmaly aýrýlary bar adamdarǵa da vaksınasııa qajet», deıdi dáriger.

D.Mahanbetqulova vaksınasııalaý nátıjesinde preparattyń alǵashqy dozasynan keıin jetkilikti kúshti ımmýndyq jaýap qalyptasatynyn habarlady.

«Ekinshi doza antıdeneler deńgeıin edáýir arttyrady jáne ımmýndyq jadynyń uzaq merzimdi aktıvtenýi úshin qajet, sondyqtan ony alý óte mańyzdy. Osylaısha, koronavırýstyń antıdeneleri vaksınanyń eki komponentin alǵan adamdarda ekinshi dozadan keıin eki-úsh apta ishinde paıda bolady», dep jalǵastyrdy dáriger.

D.Mahanbetqulova vırýsqa qarsy vaksınany neǵurlym kóp adam alsa, epıdemııany tezirek jeńýge bolatyndyǵyn atap ótti. Mysaly, jappaı vaksınasııalaýdyń arqasynda kóptegen aýrýlardyń, atap aıtqanda qyzylsha, týberkýlez, polıomıelıttiń taralýyn toqtatýǵa múmkindik týdy.

Sońǵy jańalyqtar

Parlament depýtattary kanıkýlǵa ketti

Parlament • Búgin, 10:56

Beısenbige arnalǵan aýa raıy boljamy

Aýa raıy • Búgin, 09:55

Álemde COVID-19 juqtyrý deregi kúrt ósti

Koronavırýs • Búgin, 09:28

Asýdyń qarsylasy anyqtaldy

Sport • Búgin, 08:39

Qatarynan 18 ret jeńildi

Sport • Búgin, 08:37

Býblık pen Rybakına qaldy

Sport • Búgin, 08:35

Qııardan mol ónim alady

Aımaqtar • Búgin, 08:34

Sıfrlandyrýda oń ózgerister bar

Tehnologııa • Búgin, 08:30

AITV ınfeksııasyn anyqtady

Medısına • Búgin, 08:25

Jetesovter áýletiniń jeke konserti

О́ner • Búgin, 08:23

Bul tańdaýdyń máni tereńde

Qazaqstan • Búgin, 08:08

Birlik pen kelisimniń úlgisi

Qazaqstan • Búgin, 08:05

Qos jobany qaıta qaraý qajet

Qazaqstan • Búgin, 08:00

Qant tapshylyǵy nede?

Ekonomıka • Keshe

Benzın qymbattaıdy

Ekonomıka • Keshe

Uqsas jańalyqtar