Jyl saıyn 15 qyrkúıekten 15 qarashaǵa deıin elimizde alǵashqy medısınalyq-sanıtarlyq kómek uıymdaryna azamattardyń erkin tirkelýi júrgiziledi.
Sonymen qatar, 15 qyrkúıekten bastap halyqtyń densaýlyǵyn qorǵaýdyń mańyzdy prosedýrasy – tumaýǵa qarsy vaksınasııa naýqany da bastalady.
«Halyqty MSAK uıymdaryna tirkeý algorıtmi boıynsha habardar etkim keledi», dedi Tımýr Muratov ákimdikte ótken brıfıng barysynda.
Onyń aıtýynsha, jeke tulǵalardy MSAK uıymdaryna bekitý alǵashqy býyndaǵy medısınalyq kómek kórsetý úshin negiz bolyp, kelesi qaǵıdattarda júzege asyrylady:
- Otbasylyq qyzmet kórsetý qaǵıdaty;
- MSAK-tyń aýmaqtyq qoljetimdiligi;
- MSAK-tyń aýmaqtyq qoljetimdiligi sheginde medısınalyq uıymdy erkin tańdaý;
- Naýqastyń medısınalyq kómek sapasyna qanaǵattanýy.
