13 qyrkúıekte saǵat 23.00-den keıin Ekibastuz qalasynda ıývenaldy polısııa qyzmetkerleri úılerdiń biriniń aýlasynan mas bolǵan 16 jastaǵy mektep oqýshysyn ustady.
Sabaqtan keıin oqýshy nemen aınalysatynyn bilmeı, dosyna baryp, alkogoldik sýsyn ishkeni anyqtaldy. Jasóspirimge qatysty medısınalyq tekserý júrgizildi, bul polısııanyń alańdaýshylyǵyn rastady. Atalǵan fakti boıynsha QR ÁQBtK-niń 440-baby 2-bóligi boıynsha zańdy ókilge qatysty ákimshilik is qozǵaldy. Oqýshy túngi ýaqytta zańdy ókiliniń erip júrýinsiz turǵyn úıden tys jerde bolǵany úshin ata-anasyna qatysty QR ÁQBtK-niń 442-baby 2-bóligi boıynsha ákimshilik materıal jasaldy.
Mektep oqýshysynyń minez-qulqy 14 qyrkúıekte Ekibastuz qalasynyń №9 JOM aldyn alý keńesinde qaraldy. Sonymen qatar mektep oqýshysy mektep aýmaǵynda shekildeýikter men qaýyzdardy jerge tastaǵany úshin QR ÁQBtK-niń 434-2-baby boıynsha ákimshilik hattama toltyryldy.
Tártip saqshylary oqýshy men onyń ata-anasy alǵan «sabaqtan» tıisti qorytyndy shyǵarady dep úmittenedi.
«Reıdtik is-sharalar nátıjesinde tártip saqshylary polısııaǵa 143 kámeletke tolmaǵan balany jetkizdi, onyń 102-si túngi ýaqytta ustaldy. О́mirde qıyn jaǵdaıǵa tap bolǵan balalardy qoldaý ortalyǵyna 12 kámeletke tolmaǵan bala, ózge de memlekettik balalar mekemelerine 10 bala ornalastyryldy», dedi Pavlodar oblysy Polısııa departamenti Jergilikti polısııa qyzmeti basqarmasynyń bastyǵy Ǵalym Sarǵulov.
Sondaı-aq ol esepke 26 kámeletke tolmaǵan jáne balalardy tárbıeleý jónindegi mindetterdi oryndamaıtyn 34 ata-ana qoıylǵanyn atap ótti.
Sonymen qatar turǵylyqty jeri boıynsha polıseıler esepte turǵan 144 kámeletke tolmaǵan balany jáne 281 qolaısyz otbasyn tekserdi.
