«Osy jyldyń basynda Túrkııaǵa resmı saparmen barǵanda, birqatar ortaq kelisimderge qol jetkizgen edik. Sonyń biri – túrki jurtyna ortaq tarıhı tulǵalar týraly serıaldar túsirý. Qorqyt ata – túrki áleminiń eń uly tulǵalarynyń biri, barlyq túrki halqyna ortaq tulǵa, ortaq mura. Sondyqtan bul týyndy tek bizdiń kórermenderge ǵana emes, basqa da elderde úlken suranys ákeledi dep senemin. Túrkııa, Ázirbaıjan, О́zbekstan elderin osy jobaǵa shaqyryp, áriptestik ornatý jóninde usynys jasadyq. Qazir tıisti kelissózder júrip jatyr», dedi mınıstr A.Balaeva telehıkaıanyń shyǵarashylyq tobymen kezdesýde sóılegen sózinde.
Joba prodıýseri - Sholpan Batyrbaeva. Bas keńesshisi – ónertanýshy, etnograf Berik Júsipov.
«Qazaqstan teleradıokorporasııasy» AQ Basqarma tóraıymy Lázzat Tanysbaıdyń aıtýynsha, bıyl telehıkaıanyń tek ssenarııi jazylady.
Otyrysqa ǵalym, ónertanýshy, etnograf, folklortanýshy Tynysbek Qońyratbaev, professor, qınosynshy Dárejan О́mirbaev, jýrnalıst, aýdarmashy, ádebıettanýshy Álııa Bópejanova, T.Júrgenov atyndaǵy QazUО́A professory, kınotanýshy Gúljan Naýryzbekova, TMD Jýrnalıster Konfederasııasy syılyǵynyń laýreaty, Qazaqstannyń eńbek sińirgen qaıratkeri, teleradıokorporasııa ardageri Qaınar Oljaı, ónertanýshy, professor Saǵatbek Qalıev, ssenarıst Bekzat Myrzahmet qatysty.
